Cit atir i jami ma tye

Cit atir ka ma nyuto lok ma tye iye

 PWONY ME 7

Mi Ngec Matir Dok ma Cwako Kor Lok-ki

Mi Ngec Matir Dok ma Cwako Kor Lok-ki

Luka 1:3

GIN ME ATIMA: Ti ki ngec ma genne me konyo jo ma tye ka winyo lokki me o i niango matir.

KIT ME TIMONE:

  • Yeny ci iti ki ngec ma genne. Wek lokki obed ma jenge i Baibul, kun ikwano akwana ki iye ka twere. Ka ibitito lok me cayan, lok angeya mo ma iwinyo, gin mo mutimme, nyo gin mo ma cwako lokki, kwed matut me niang ka ngec meno genne dok lokke pud obedo lok ada wa i kare-ni.

  • Ti ki ngec ma ikwedo i yo maber. Gony te ginacoya moni i yo ma rwatte ki tyeng murumo ka ngete, lok ducu ma i Baibul, ki bukke pa “lagwok ot ma lagen dok maryek.” (Mat. 24:45) Ti ki kwed pa dano i yo matir kun itito gin ma ngat meno owaco kikome.

  • Kony dano me niang. I nge kwano ginacoya nyo ngec mo ma ikwedo, peny lapeny ki diro nyo mi lapor i kom lok meno me konyo jo ma tye ka winyi wek gumok tamgi pigi kengi.