Cit atir i jami ma tye

Cit atir ka ma nyuto lok ma tye iye

 PWONY ME 2

Lok Kit ma Iloko Kwede Jwi

Lok Kit ma Iloko Kwede Jwi

Luka 6:45a

GIN ME ATIMA: Lok kit ma iloko kwede jwi, i yo ma nyuto kit ma iwinyo kwede i kom gin ma itye ka lok iye-ni ki jo ma tye ka winyi.

KIT ME TIMONE:

  • Leg bot Lubanga dok iyubbe maber adada. Leg bot Lubanga wek okonyi pe me keto tammi i komi kekeni, ento i kom kwenani. Mak lok ma pigi tego ma imito titone i wii. Pe ikwan lok akwana ento lok lok ma a ki i cwinyi.

  • Lok gin ma a ki i cwinyi. Tam i kom tyen lok mumiyo lokki pire tek bot jo ma tye ka winyi. Ket tammi i komgi. Ci kit ma icung kwede, kit ma itiyo kwede ki cingi, ki kit ma wangi nen kwede binyuto cwiny me lirem ma itye kwede.

  • Nen jo ma itye ka lok kwedgi. Nen wang dano ka itye ka lok kwedgi ka pe obicwero cwinygi. Ka itye ka miyo pwony i wi abam, nen ngat acel ci ikob i kom ngat mukene, ma ka neno dano ducu lawang acel.