Cit atir i jami ma tye

Cit atir ka ma nyuto lok ma tye iye

 PWONY ME 18

Mi Ngec Manyen

Mi Ngec Manyen

1 Jo Korint 9:19-23

GIN ME ATIMA: Kony jo ma tye ka winyo pwony-nyi me tam iye pigi kengi, wek gunge ni gupwonyo gin ma twero konyogi.

KIT ME TIMONE:

  • Tam i kom gin ma jo ma tye ka winyi dong gingeyo. Ma ka nwoyo gin ma dong guwinyo con, konygi me neno gin ma itye ka lok iye-ni i yo manyen.

  • Kwed lok dok ilwodi. Ka ce twere, mi labol i kom pwony ma pigi tego kun itiyo ki lok kom gin ma dano pe gingeyo tutwal nyo jami ma tye ka timme i kareni. Tam matut i kom pwony-nyi ki kit ma kubbe kwede ki labol magi ma imito tic kwedgi-ni.

  • Nyut pingo pwony meno pire tek. Tit kit ma lok ma pire tek ma i Ginacoya twero konyo kwede dano i kwogi me nino ducu. Nyam lok i kom jami, kit, ki tim mogo ma gudo kwo pa jo ma tye ka winyo lokki.