Cit atir i jami ma tye

Peko Mono Bigik?

Peko Mono Bigik?

Iromo wacci . . .

  • eyo?

  • pe?

  • gwok nyo?

 GIN MA BAIBUL WACO

“Lubanga . . .  bijwayo pig wanggi woko ducu. To bene dong bibedo pe, kadi kumo nyo koko, nyo arem.”​—Niyabo 21:3, 4, Acholi Baibul.

BER PA LOK MAN PIRI

Cuko cwinywa ni Lubanga aye pe kelo peko.​—Yakobo 1:13.

Ngeyo ni Lubanga paro piwa ka wadeno can kweyo cwinywa. ​—Jekaria 2:8.

Miniwa gen ni peko ducu bigik.​—Jabuli 37:9-11.

 TIKA ADA WATWERO GENO GIN MA BAIBUL WACO?

Watwero, olo pi tyen lok aryo:

  • Lubanga dag deno can, ki ngolo kop alenga. Tam kong kit ma Jehovah owinyo kwede yam con i kare ma kitero jone i yo marac. Baibul owacci en cwinye ocwer i kom “jo ma unogi kun gidiyogi ki tek.”​—Lungolkop 2:18.

    Lubanga winyo marac adada i kom jo ma giwano luwotgi. Me labolle, Baibul waco ni en dag “jo ma gioyo remo pa jo ma pe ki bal.”​—Carolok 6:16, 17.

  • Lubanga paro pi ngat acel acel i kinwa. Kadi bed ni “dano acel acel ngeyo kit atwomme kene, ki cwercwinye bene,” ento, Jehovah bene ngeyo!​2 Tekwaro 6:29, 30.

    Cokcok-ki, Jehovah bikwanyo peko pa ngat acel acel, kun tiyo ki Ker-re. (Matayo 6:9, 10) Kombeddi en bene tye ka kweyo cwiny jo ma yenyo en i ada.​—Tic pa Lukwena 17:27; 2 Jo Korint 1:3, 4.

 TAM KONG

Pingo Lubanga weko dano deno can?

Baibul gamo lapeny meno i JO ROMA 5:12 ki 2 PETERO 3:9.