Cit atir i jami ma tye

In Itamo Ningo i kom Kwo me Anyim?

In Itamo Ningo i kom Kwo me Anyim?

Lobo-ni mono . . .

  • bibedo kit ma tye kwede-ni?

  • biballe medde ameda?

  • bibedo maber?

 GIN MA BAIBUL WACO

“Lubanga .  . bijwayo pig wanggi woko ducu. To bene dong bibedo pe, kadi kumo nyo koko, nyo arem, pien gin macon dong ducu gurwenyo woko matwal.”​—Niyabo 21:3, 4, Acholi Baibul.

BER PA LOK MAN PIRI

Tito pi tic ma pire tek dok ma kelo yomcwiny.​—Icaya 65:21-23.

Two ducu nyo deno can i yo mo keken bibedo pe.​—Icaya 25:8; 33:24.

Ibibedo ki kwo me yomcwiny pi naka kacel ki jo me otti ki luremi.​—Jabuli 37:11, 29.

 TIKA ADA WATWERO GENO GIN MA BAIBUL WACO?

Watwero, olo pi tyen lok aryo:

  • Lubanga tye ki teko me cobo cikkene. I Baibul, Lubanga Jehovah keken aye kilwongo ni “Won Twer Ducu,” pien en tye ki teko ma lapore pe. (Niyabo 15:3) Pi meno, en twero gwoko cikkene me loko lobowa wek odok maber. Kit ma Baibul owaco-ni, “ki bot Lubanga jami ducu twerre.” ​—Matayo 19:26.

  • Lubanga tye ki miti me cobo cikkene. Me labolle, cikke pa Jehovah me cero dano ki i to ‘pire mitte mada.’​—Yubu 14:14, 15.

    Baibul nyuto ni Yecu, Wod pa Lubanga, ocango lutwo. En otimo meno pingo? Pien onongo mito. (Marako 1:40, 41) Yecu onyuto kit pa Wonne kikome, ki nyuto ni emito konyo jo mukene.​—Jon 5:19.

    Dong labongo akalakala mo, wageno ni Jehovah ki Yecu gimito konyowa me nongo kwo me yomcwiny i anyim!​—Jabuli 72:12-14; 145:16; 2 Petero 3:9.

 TAM KONG

Lubanga mono biloko lobo-ni doko maber nining?

Baibul gamo lapeny meno i MATAYO 6:9, 10 ki DANIEL 2:44.