Kit macalo twon can madit atika dong tye macok-ki, ticwa me tito kwena mitte pi oyot. (Car 24:11, 12, 20) Me konyo dano, myero wati ki kad magi me tiro tamgi i kom Lok pa Lubanga ki kabedowa me Intanet. Kad man tye ki bok ma kimenyo ci yabo vidio me Pingo Omyero Ikwan Baibul? kacel ki lwongo me penyo pi kwano Baibul nyo nongo ngec mukene. Jo mukene pe gimito gamo bukkewa ento giye limo kabedowa me intanet. Pe ilwor miyo kad man botgi. Ento, pe iwek kad me jw.org bot jo ma pe gitye ki miti.

Ka itye ka tiyo ticci me nino ducu, iromo tugo miti pa ngat mo ki wacone ni: “Amito mini gin mo. Kad man teri i kabedo me intanet ma tye ki ngec kacel ki vidio ma loko i kom jami mapatpat. Jami ma iye tye me nono.” (Jon 4:7) Kit macalo kad man tidi-ni, itwero gwoko mogo manok ma itwero tic kwede ka kare mo ononge.