GIN MUMIYO PIRE TEK: Ginakwana ki vidio ducu ma tye i kin Jami Ticwa ma Pigi Tego me Pwony loko i kom jw.org. Ki lok ada, tyen lok mumiyo kiyubo kad me jw.org ki trak me Watwero Nongo Lagam me Lapeny ma Pigi Tego ki Kwene? obedo pi konyo dano wek gucit i kabedowa me intanet. Itwero tic ki jw.org me miyo ginakwana nyo vidio mo keken ma tye i kin Jami Ticwa ma Pigi Tego me Pwony kun icwalo ki i cimmi. Man twero bedo me kony adada tutwalle ka watye ka miyo caden bot ngat ma loko leb mukene. Medo i kom meno, jo mogo guromo penyowa lapeny mogo ma lagamme tye i bukkewa ma gipe i kin Jami Ticwa ma Pigi Tego me Pwony. Ka wangeyo tic ki kabedowa me intanet, ci ticwa me pwony binyako nyige.

KIT ME TIMONE:

  • Cit i BIBLE TEACHINGS.” Ket kong ni itye ka miyo caden bot lanyodo ma mito ngec mapol madok i kom gwoko lutino. Cit i BIBLE TEACHINGS > MARRIAGE & FAMILY.

  • Cit i “BUKKE.” Ket kong ni itye ka miyo caden ma pe iyubbe iye i cukul dok imito nywako brocuwa me Lagam pi Lapeny 10 ma Jo Matino Gipenyo ki latin kwan lawoti. Cit i BUKKE > BUKKE KI BROCUWA.

  • Cit i “LOK MADOK I KOMWA.” Ket kong ni itye ka miyo caden bot latic lawoti ma mito kwano lok wiye wiye madok i kom niyewa. Cit i ABOUT US > FREQUENTLY ASKED QUESTIONS.

NEN VIDIO MA WIYE TYE NI KIT ME TIC KI JW.ORG, I NGEYE TAM I KOM KA MA IROMO CITO IYE I JW.ORG KA IMITO KONYO:

  • ngat ma kome lit

  • ngat mo ma pud orwenyo danone mo i to

  • omego nyo lamego mo ma ticce okwe woko

  • ngat mo ma wadok cen ka limone ma mito niang ka ma wanongo iye cente me tiyo ticwa

  • ngat mo ma a ki i lobo mukene ma mito cito i cokkewa i lobone