Ko kano he nuku mie awei haber, la ahola he fi kang he pi hadabesar te. Pi heiur mipaneng, pi kano hedi he fi kang heluk. (Ams 6:20) Kano hedi de piyenabei ba tofa miwe mati doma we na. He fi kang wal tofa mia namati, leng afena te pi wai hopa siye.

Kano hedi ko remaja, he umur tung 15-19, hedi bay he fi kang he pi deicura hadabesar te. He fi kang ko wal tofa mia namati, pi mihatangar na he fi kang de hei izinkan ba donakala de bacaan miahiy. Ko rofi mati, pi bacaan pi wohalang kang ya jw.org. bay pi wohiyeng diy kang.

Remaja ba he minat hadoa pi wai hopa siye mati, he fi kang mu pi kul hadatareng te. Pi heiur mipaneng, pi tujuan ba hopa siye he falaka pi wohadabesar kang ya pi wohiyeng diy ba Surah Rieling homi mia mu wong kang hadoa ba pi worumai kang ya hekang mu miy tofa homi dotafuda mihadasama kang. (Mz 119:86, 138) He fi kang pi heluk, heimu kesaksian ba kang wotikeli. Ko leng afena, maring kang pi bisa keluarga hedi wohadabesar kang.1Ptr 2:12.