Langhalou konten

Langhalou menu sekunder

Langhalou daftar isi

Saksi-Saksi Yehuwa

Alor Abui

Birang Kristen ya Pelayanan Hei–Buku ba Wosakolah  |  Oktober 2017

 AMA KRISTEN HE BIRANG

Lateiur te Pi Mayasing ba Surah Rieling Wosakolah?

Lateiur te Pi Mayasing ba Surah Rieling Wosakolah?

Daniel wuda e kesulitan homi mia na omaha Allah hadakor iti? Daniel de mayasing Allah hamau buka wosakolah, hanaisena mia ngwofani wei bay hadou. (Dan 9:2) Pi mayasing Surah Rieling wosakolah iti, pi Allah hadakor iti. Nalawuhe? Nala he Yehuwa dewopakang diy pi worumai de kul midalek. (Yos 23:14) Pidi bay pi kul Allah mihiyena, de pomi mihasuong ba kang he pi mipaneng. (Mz 97:10) Haba lateiur te pi mayasing Surah Rieling wosakolah? Saran kabei opi pi hehalal:

  • Nala he ne kul wosakolah? Hanaisena mia nuku ba pi wosakolah kang mu bahan perhimpunan. Minggu kopang Surah Rieling mihalal ayat ba pi wal hiyeng na pi riset hekang faring pi hiyeng kang. Wai afena, mani ama miahiy ba ngwofani Surah Rieling homi mia he dewosakolah, aspek-aspek buah roh, perjalanan utusan injil Rasul Paulus, namati Yehuwa hatang pakang wei. Hetatangar nuku ba Surah Rieling mia pi wotanut mati, hetatangar hedi wobileng hedi bahan nuku wuda ba hewohaluol pi wai wosakolah kang.

  • He bahan ne ya tei he mihiyeng? Video Sarana Riset untuk Menggali Harta Rohani woreya. Video hedi homi mia, sumber kabei hadoa ba puna kang. La ahola, kuasa dunia tei he binatang buas ba Daniel pasal 7 mia dewogambarkan e wo riset kang.

  • Ne wosakolah mu he lunga yeng? Allah pohopa pohamina iti temati, pi mayasing ba sakolah iti te. Ko kang mati, ahola lunga na bay kang. Hewohaluol, waktu ba e puna e kakabei mitau. Allah hamau buka wosakolah mu hedosama osang ba anai rumang mia e wotou wuda. Osang ba e hiyeng de mitau iti, e mayasing ba e kul wotou iti. (Ams 2:3-6) Omaha Allah hamau buka wosakolah iti, ya e birang homi mia omaha Surah Rieling wosakolah iti.​—1Ptr 2:2.

BINATANG BUAS BA DANIEL PASAL 7 MIA NALA HE DEWOGAMBARKAN?

  • Dan 7:4

  • Dan 7:5

  • Dan 7:6

  • Dan 7:7

HETATANGAR TAMBAHAN:

Lateiur Daniel 7:8, 24 de midalek?

BAHAN HEWOHALUOL:

Binatang-binatang buas ba Penyingkapan pasal 13 mia nala he dewogambarkan?