Langhalou konten

Langhalou daftar isi

Saksi-Saksi Yehuwa

Select language Alor Abui

 AMA KRISTEN HE BIRANG

Nala he Surah Rieling Dewopidasakolah?Cara ba Puna

Nala he Surah Rieling Dewopidasakolah?Cara ba Puna

Buku Alkitab Ajarkan (loring Malasu mia) ya buku Wosakolah ladosama. Alat ayoki ba pi kotak pengajaran homi mia mu nal hiyeng rofi ba Surah Rieling homi mia ba la dosama he dewobesar ya he urutan bay la dosama. Haba, buku Wosakolah mu he kalimat ya he cara penyampaian kul sederhana. Buku opi paneng ba miy ama ba buku Alkitab Ajarkan wal te homi misei na wei her. Buku opi he apendiks wal hadoa na haba catatan hewosik he hadoa ba istilah ya ajaran ba naskah ahola mia he dewobesar. Buku opi pasal he ahola hetatangar namati kotak tinjuan walna. Haba, pasal hewosik dokopang he mi buiy hadoa ya nal hiyeng rofi ba Surah Rieling homi mia ba naskah ahola mia he dewobesar. Buku Alkitab Ajarkan wuda, buku Wosakolah miy ama wohalang kang, ko uwa hedi wal he uwa ba miy ama wohalang na bay wal dowuda na. Pi Surah Rieling ama wohadasakolah fitur ba buku Wosakolah mia pi lateiur puna?

HE MI BUIY: Pi ama hadasakolah mia pragraf ba buku Alkitab Ajarkan mia pi mibaca ya hetatangar pi miwofang. Ya pi heiur mipaneng amakang faring de haluol kang. Haba, ko ama ba pi hadasakolah de wal te loring hedi hiyeng na namati ko baca de wal te hiyeng na. Heiwuda mati, pi buku Wosakolah puna kang. Hewohaluol he mi buiy e puna ba bahan pelajaran kang ya he naskah ahola e hehafang ba donakala de mibaca. Nal hiyeng rofi ba Surah Rieling homi mia dokopang menit 15 puna ba wobahas kang. He mi buiy mu perincian ba naskah ahola wal hadoa na, hare persiapan mia nala ba ama hedi dewobutuh ama ba hadasakolah de wotanut te. Ama ba hadasakolah de he naskah ahola puna ba ama wohadasakolah, he mi buiy de puna ba he tinjuan her kang.

CATATAN HEWOSIK: Urutan istilah ya gagasan ba catatan hewosik mia mu urutan pemunculan ba naskah ahola mia hei haluol. Ama ba de ama wohadasakolah he dong ahiy ba buku Wosakolah wo belajar mia catatan hewosik mu wobahas re walna.