Langhalou konten

Langhalou menu sekunder

Langhalou daftar isi

Saksi-Saksi Yehuwa

Alor Abui

Birang Kristen ya Pelayanan Hei–Buku ba Wosakolah  |  Juni 2017

 AMA KRISTEN HE BIRANG

Maring Kang Wobesar Mu Pohomaha

Maring Kang Wobesar Mu Pohomaha

Na ko e miomahia e maring kang wobesar beka? Ama faring dewohawai rofi. Nalawuhe? Pi daerah pengabaran mia mu ama ba pi hadatareng mu wala sadafalasing na ya nal hiyeng rofi hedi ama dohoaiy. Namati ama ba pi wal hiyeng na pi funa hadabesar. Hei opi depaneng pomi wosei. Haba, Allah ba kang hamol he pi holuk ya domaha pomi kang hamol puna hei milak natea te. (Mz 100:2; 1Tim 1:11) Alasan sua nala he rumai ba pomaha maring kang wobesar?

Nuku, maring ba pi wobesar mu harapan wotilaka. Yala ama kang faring harapan wal hopa na. Haba pi ama wohokafang ”maring kang ba nal ba kul kang hei”. (Yes 52:7) Maring kang ba Kerajaan Allah hei de paneng pomi mikang mihamol. Pi dar maring kang wobesar na oweni ba Kerajaan Allah hei ba de buku taha mia hei mu pi wotanut te.

Ayoki, maring kang ba pi ama wohokafang ama he rohani ya jasmani hekang hadoa. De wosakolah nahani hepak hepaneng beka ya de ama hado rugi de dowat ya leng mi her ba birang mihalor dehiyeng kang. (Yes 48:17, 18; Rm 1:16) Pi isi pi wotanut awang ba ama tahai ya dobirang hei. Haba wala birang ama ko dohaiy, haba ama ba domaha pi kul hei tahai nahani te.Mat 10:11-14.

Sua, maring kang wobesar la ahola pi Yehuwa heluk. De hiyeng awang maring wobesar mu kul penting. (Yes 43:10; Ibr 6:10) Wai afena, De simoi rieling de miy pir ba awang opi mipaneng. Hare, pi berdoa ba kang hamol fang, hei opi mu simoi rieling hei. (Gal 5:22) Pomi wosei hei Yehuwa de mipomong, pi matorang ba maring kang wobesar. (Kis 4:31) Ama he tanut lateiwuda baiy, tugas ba maring kang wobesar pi mipaneng iti.Yeh 3:3.

Maring kang wobesar sikap tei he ohomaha? Kang hamol mu e lateiur wotiyeng diy?

VIDEO MENGEMBALIKAN SEMANGAT DENGAN BELAJAR DAN MERENUNG HABER, HEWOHALUOL HETATANGAR WOHAWAI:

  • Uwa kopang pi mayasing ba maring kang wobesar haba lateiur te sieng ma rohani pi musti ne te?

  • Mary hei pi lateiur woreya?

  • Yani te e leng wosiap ba Allah hamau buka wotanut?

  • Nala he eiy paneng ba omaha maring kang wobesar?