Langhalou konten

Langhalou menu sekunder

Langhalou daftar isi

Saksi-Saksi Yehuwa

Alor Abui

Birang Kristen ya Pelayanan Hei–Buku ba Wosakolah  |  April 2017

 AMA KRISTEN HE BIRANG

Iring Kerajaan De Tadoa Rumai

Iring Kerajaan De Tadoa Rumai

Paulus ya Silas de baa mia de iring puna ba Allah hana wohaliel. (Kis 16:25) Nazi he masa ba Jerman mia, pi mokeni de kamp konsentrasi Sachsenhausen, ya pembungan Siberia mia de iring Kerajaan wohaliel. Hedosama hedi wei dewotiyeng diy pi cobaan hadatareu iring hedi de kul mipirumai kang.

Buku iring tifa hekaiy ’Bernyanyilah dengan Gembira’ bagi Yehuwa de abeta loring faring homi mia. De popa, ibadat ba tofa homi mia iring tifa opi pi wolatihan ba he lirik wei de te tanut mia iti. (Ef 5:19) Hare, pi cobaan hadatareu mia, simoi rileing de pomong ba wopimunang kang. Iring Kerjaan de pomong pi worumai pi wotanut iti. Heiopi pi cobaan hadatareu de pomong kang. He lirik wei de tadoa semangat ba pi kang homi mia, ’pomi de mikang mihamol ba pi iring’ mbeimu pomi kang hamol wuhe. (1Taw 15:16; Mz 33:1-3) Hare mie pi iring Kerajaan pi puna woheikakang!

VIDEO LAGU YANG MENGUATKAN PARA PEKERJA PAKSA WOREYA, HEWOHALUOL HETATANGAR OPI WOHAWAI:

  • Nala he mokeni Frost homi mihasuong ba de iring nuku paneni?

  • Lateiur iring hedi de pi mokeni ba kamp konsentrasi Sachsenhausen mia homi miharumai?

  • Pi birang leng kopang, keadaan nala homi mia he iring Kerajaan de mipirumai kang?

  • Iring Kerajaan tei he omaha woamunang?