Langhalou konten

Langhalou menu sekunder

Langhalou daftar isi

Saksi-Saksi Yehuwa

Alor Abui

Birang Kristen ya Pelayanan Hei–Buku ba Wosakolah  |  Maret 2016

 AMA KRISTEN HE BIRANG

Tebusan Hadoa wuhe Mitabirang Diy Kang

Tebusan Hadoa wuhe Mitabirang Diy Kang

Acara Peringatan de leng mipir ba nalkang hamol ba ariy falaka hei pi wotanut, heiopi weimu tebusan hadoa wuhe pi hiyeng kang. Hanaisena mia mu mitabirang diy. Yehuwa dewal domaha ba amakang mong na. Heiwuhe mong tanitang mu kul amakang homi hadoa harik, kul mitaha mu ama ba pi mihiyena moni. (1Kor 15:26) Lazarus moni Yesus he murid wei homi wosei Yesus de hehalal homi harik. (Yoh 11:33-35) Yesus mu kul-kul Dema wuda, hare pi worumai kang ba ama ba pi mihiyena moni pomi pirik Yehuwa de hehalal homi bay harik. (Yoh 14:7) Yehuwa dong wal dei hoaring na ba hehui hefatil ba moni wei dong abeta mihabirang diy, pidi bay pi worumai heiwuda.Ayb 14:14, 15.

Yehuwa mu Allah ba tertib, hare pi worumai kang ba ama mona mihabirang diy mu de kang hamol lak. (1Kor 14:33, 40) Ariy falaka pemakaman walna haba ama mihabirang diy he pi hedi sambut. Pi duka homi mia, na ama mihabirang diy he pi wotanut? (2Kor 4:17, 18) Na e Yehuwa hekang hehamol wofang mbeimu de tebusan wosiap ya de Surah Rieling puna wotokafang ba ama mona dewai midabirang?Kol 3:15.

  • E mokeni ya e nang e naha wei mahe e kul wohaharosa ba e wai hadatareng?

  • Tokoh Surah Rieling teihe omaha abeta hadatareng ya hiyenabei ba rilia besar?