Langhalou konten

Langhalou menu sekunder

Langhalou daftar isi

Saksi-Saksi Yehuwa

Alor Abui

Birang Kristen ya Pelayanan Hei–Buku ba Wosakolah  |  Agustus 2016

 AMA KRISTEN HE BIRANG

Kul Terampil ba Pelayanan Mia—Ama ba Pi Hadasakolah Homong ba hei Baptis

Kul Terampil ba Pelayanan Mia—Ama ba Pi Hadasakolah Homong ba hei Baptis

NALAWUHE PENTING: Yehuwa mihiyena temati, ama ba pi Surah Rieling wohadasakolah mu de isi ya de birang dekul Yehuwa her ba hei baptis te. (1Ptr 3:21) Hewohaluol, de pembaktian de haluol birang, perlindungan rohani mu de hiyeng kang. (Mz 91:1, 2) Ama Kristen mu de isi ya de birang de miy Yehuwa her, wala miy amakang, awang, namati organisasi her na. Hare, ama ba Surah Rieling wosakolah mu dekul Allah mihiyena ya heluk te.Rm 14:7, 8.

LATEIUR MIPANENG:

  • Surah Rieling wosakolah mia, Yehuwa hei ba bahan opi mia ne lateiur wosakolah. Kul miwofang ba leng kopang Surah Rieling mihalal ya doa miy Yehuwa her mu ”miharang na”.1Tes 5:17; Yak 4:8

  • Ama ba Surah Rieling wosakolah hei sarankan ba he cita-cita rohani mu de hadoa ba de isi ya de birang de miy Yehuwa her ba hei baptis. Homong ba nal-nal eki mipaneng, hedosama komentar ba perhimpunan mia, namati tetangga ya he teman kerja hada kesaksian. Wotamunang Yehuwa dewal tohapuna ba ama nunuku de hei milak minatea na. Pembaktian mu ama nunuku he keputusan.Ul 30:19, 20

  • Ama ba pi hadasakolah wohokafang ba de perubahan paneng ba de syarat mihayei ba hei baptis ya de Yehuwa homi hado kang. (Ams 27:11) Ko, he sifat ya he pak he paneng ba beka hadoa ya ko de midamohawai mu wal abeta na. Hare, kul homong iti ba de kepribadian namana mu de doiti ya de tifa puna hamanau. (Ef 4:22-24) Seri artikel ”Alkitab Mengubah Kehidupan” Menara Pengawal homi mia wohiyeng diy

  • E Yehuwa hei milak natea ba hekang E hiyeng E wohadabesar.Yes 48:17, 18