”Nala he Allah de honuku amakang demihasik na.”Markus 10:9, Terjemahan Baru

Yehuwa hedomaha tadakor ya mi teiwomahia te. (Mazmur 18:25) Teimiy teypung, teiwomahia mu kul kang. Teiwomahia wal hadoa na, miteiworumai bay wal hadoa na.

Yala opi, nal beka faring de tomi hafik. Neng mol tofa homi mia mideiwomahia wal hadoa na. Hare, teimiy teypung hewofikang nal ayoki opi, E omi mi iy te.

 1 TEIMIY TEYPUNG HEBIRANG MI NENG MI MOL MIHADASAMA KULKANG

NALA HE SURAH RIELING DEWOFANG: ’Nal hiyeng rofi mu, tahai te.’ (Filipi 1:10) Teimiy teypung mu nalkang nuku wuda ba kulkang, E birang homi mia. Hare, opi e deicura te.

Neng mol ba tofa homi mia, Yehuwa he domaha miripiyeta riyworeya. Ya, ’birang opi rorilia’ hiyeng. (Pengkhotbah 9:9) Yehuwa dehefalaka wofang, neng ya mol wai midiyena. Haba, rilia lela tahai ba kang hamol te. (1 Korintus 10:24) Paneng ba, rilia neng ya mol miromong ya miriluk.

E MIPANENG KANG:

  • E wotanut, leng ba romimiti hei mati, riwai ronal afena na

  • Opi wotanut ”pidi”, wala ”nedi” na

 2 OMI WOFIKANG TE

NALA HE SURAH RIELING DEWOFANG: ”Ama neng de ama mol afena hehalal ba tanut hasalah, dong domi mi tafuitaka paneni.” (Matius 5:28) Tafuitaka he dewotanut, neng mol dong wala deluk na.

Yehuwa dewofang ’omi kul wofikang’ te. (Amsal 4:23; Yeremia 17:9) Hei wuhe iyeng E wofikang te. (Matius 5:29, 30) Surah Rieling homi mia dewofang, Ayub de diyeng hada pakang tanut hasalah puna mol afena hehalal na. Hedi opi hetok pati pi woreya te. (Ayub 31:1) Gambar ba tiyeng hobeka woreya na. Ya, wal teneng temol namati loring aluong tikor beka paneng na.

E MIPANENG KANG:

  • Ama afena wohiyeng diy mati, neng mol ri kul-kul miriywomahia te

  • Deng dapieta domi kiding wotanut, hanaisena mia tanut hasalah mi ama afena mihadasama mati, wohasik te