Langhalou konten

Langhalou menu sekunder

Langhalou daftar isi

Saksi-Saksi Yehuwa

Alor Abui

E Tofa Homi De Kang Hamol Diy

 BAGIAN 4

Lateiur Seng Ola Maneu

Lateiur Seng Ola Maneu

’Wong haluol hareng halek, hekang hadoa.’Amsal 20:18

Tofa homi mia, seng de pomong pibirang wotiler. (Amsal 30:8) Nal karikarnuku he arah mia, ”seng mu detofikang”. (Pengkhotbah 7:12) Neng mol wotaming miti ba, seng hei wobesar mu kulbeka hare, hei seng hedi pei tohatang na. (Efesus 4:32) Tomi mi tei worumai pilateiur seng worumai ya tareng awang, lateiur seng puna.

 1 HE FARING HALEK TE

NALA HE SURAH RIELING DEWOFANG: ”Rinaisena mia mahe de tofa paneng, de miti heseng de haleki te. Hare, de hehalal de seng hedi de puna tofa hei paneng woheikang rena?” (Lukas 14:28) Hareng halek te, seng rilateiur puna. (Amos 3:3) Nala hebel mati woteinuk te. (Amsal 31:16) Seng hadoa mbaiy ba, nal faring label tok na. Seng topa te nala bel, ama he seng filiy na. Seng la kabei mati, nal faring bel na.Amsal 21:5; 22:7.

E MIPANENG KANG:

  • Uwa wosik seng amea dar hadoa, rilia woteinuk hei seng mu nala he ri heri

  • Haba, wal hei he daleki na mati, hefaring E paneng ba nala he ebel E dosei. Hedosama, E siyeng mar kang hare, siyeng ma bel na

 2 HE FALAKA WOFANG HABA TOMI MI SEI TE

NALA HE SURAH RIELING DEWOFANG: ’Yehuwa hapomarang ya, amakang hapomarang mia e yeng puna herofi wofang te.’ Heimu kulkang. (2 Korintus 8:21) Seng E yeng hiyeng, E yeng tang doarehaiy e neng nati, E mol wohopang te.

Neng mol seng tang mati, taming miti ba haleki maice tang. (Amsal 13:10) Hei opi, teymi teypung de rama amoni homi mia. Woamunang seng wal onakala ei na haba, tofa homi mia hei.1 Timotius 5:8.

E MIPANENG KANG:

  • Woteinuk, nala he E bel wala rilia wobesar na bai kang

  • Seng halek hei abeta wobesar, doma tafok tanai sena mi iti he