Langhalou konten

Langhalou menu sekunder

Langhalou daftar isi

Saksi-Saksi Yehuwa

Alor Abui

E Tofa Homi De Kang Hamol Diy

 BAGIAN 8

Bekatafiela Tofa Homi Midalek

Bekatafiela Tofa Homi Midalek

”Romi kul mikang mihamol haba, leng ba yala opi kabei dekul midalek, bekatafiela faring pi hadatareu, pomi mipirik.”1 Petrus 1:6

Na ko ongpaneni ba eimiy eypung ya, E tofa homi mia de kang hamol homi mia. Haba, nala he wal pitanut mia na daleki, hei opi mu de rama amoni habek. (Pengkhotbah 9:11) Hedi he E hadatareu haba, Allah mu kang de omong ya miarumai diy. Hare tebirang hadokang ba Surah Rieling homi mia hewohaluol E haluol birang, bekatafiela ba Edi ya E tofa homi mia ri hadatareu de romong woheikang, leng ba kul beka bay de romong.

 1 YEHUWA HOHABA

NALA HE SURAH RIELING DEWOFANG: ’Nal faring ba ri wofuna Yehuwa habang tau wat, diyeng de rotilak.’ (1 Petrus 5:7) Woamunang iti, bekatafiela ba E hadatareu Allah dewal edi na. (Yakobus 1:13) E Allah mihadap de omong, E teiur kang. (Yesaya 41:10) ”Yehuwa hapomareng mia doa omi kiding wohokafang.”Mazmur 62:8.

Leng kopang E Surah Rieling mihalal ya wosakolah, omi mikang mihamol. Hekang mu, bekatafiela faring ba E hadatareu Allah de omong omi mikang mihamol diy. (2 Korintus 1:3, 4; Roma 15:4) Allah de ada pakang ’rama amoni ba kul midaliela demi er’.Filipi 4:6, 7, 13.

E MIPANENG KANG:

  • Tanut dosani temati, doa ba Yehuwa hafang de omong tanut de rama

  • Lela afena hadoa, ri wo rompang teihe kang mati, ringahiy hekang miridasama

2 EIY YA E TOFA HOMI MIA NALA HE E HIYENG E HEHALAL TE

NALA HE SURAH RIELING DEWOFANG: ”Ama homi ba tanut daliela domaha hiyeng mihalor de hiyeng ya, ama ba dawei puna womahia tanut daliela de tahai.” (Amsal 18:15) Ama nala he miwofang dotafuda toluol. E tahai, nala he tofa homi mia tara-tara pihiyeng. Wohadabesar ya, hei womahia.Amsal 20:5.

Lateiur ama ba pimihiyena moni? Nala he E tanut mia, E funa-funa wobesar na. Woamunang, Yesus bay ”hiyeng nau seiy”. (Yohanes 11:35; Pengkhotbah 3:4) Kabei mi ahel ya, tade bay kulkang. (Pengkhotbah 4:6) Hare, bekatafiela ba woridasama ri hadatareu kang.

E MIPANENG KANG:

  • Nala he E tanut mia E wofang iti mi E tofa homi mia mihadasama. Hare, bekatafiela hadoa dewal funa ba woadabesar na

  • Nala he pi hadatareu, piwai mi ama ba nglunga hadatareu wohadabesar

 3 NALA BA OHIYENG E FANG

NALA HE SURAH RIELING DEWOFANG: ”Mokeni ba kulkang leng kopang dekang mi nidasama, ya ne beka homi mia bay de nomong.” (Amsal 17:17) E mokeni wei domaha de omong haba dewal hiyeng na, nala he de puna omong. Nala he E hiyeng te E funa-funa wohokafang na. (Amsal 12:25) Ya, ama ba Surah Rieling faring hiyeng E tahai ba de omong rohani hei E hiyeng. Hapong puna ba Surah Rieling homi mia, de er ba de omong kang.Yakobus 5:14.

Ama ba heworumai, ya de Allah he pakang worumai E hada tiyeng hiyena eiy bay E rumai kang. E ama homong homi hadolea, ei bay omi demikang mihamol diy. E worumai ya, Yehuwa he pakang ba omi mia E afena wohadabesar. E leng mu, E puna ama ba susah malohi hadatareu E homong ya, ama ba eiy mihiyena ya homi E datoka E hebuokal na.Amsal 18:1; 1 Korintus 15:58.

E MIPANENG KANG:

  • Mokeni kang hadabesar ya de omong hepaniy

  • Dofalaka, nala he E ohiyeng E wohokafang te