Langhalou konten

Langhalou menu sekunder

Langhalou daftar isi

Saksi-Saksi Yehuwa

Alor Abui

Maring Kang ba Allah Hei!

 PELAJARAN 4

Yesus mu, Ma?

Yesus mu, Ma?

1. Yesus he birang ahola mu, lateiwuda?

Kang hamol nala he Yesus hopa te, ama dohohopa?MATIUS 11:29; MARKUS 10:13-16.

La ahola Allah de Yesus paneni wal amakang wuda na, Yesus dedar buku taha mia na de Simoi wuda tiyeng puna hehalal beka ba mar surga mi birang. (Yohanes 8:23) Ama mol wala surga mia na hare, wala Yesus hamani na. Hema Yehuwa dela hei paneni. Hare Yesus kul Allah hewil neng. Wai afena de Allah ”Hamau Buka” ya, he kesa. (Yohanes 1:14) Nal karikarnuku ba, opi buku taha mia Yesus de hadow paneni.—Mihalal Amsal 8:22, 23, 30; Kolose 1:15, 16.

2. Nala wuhe, Yesus de ruli taha misiyei?

Allah Surga mia dewil neng demiy mayak Yahudi hana he Maria he fah mihatani. Haba hema amakang walna. (Lukas 1:30-35) Yesus de buku taha mia de tara sua wotada sakolah (1) Allah hiyeng Rofi hei Yesus dewotadasakolah, (2) Yehuwa hei milak minatea pi bekatafiela hadatareu, haba pi Yesus hetok pati woreya, ya (3) Yesus de birang ba kulrofi de puna mipi hasalah ”wowau”.—Mihalal Matius 20:28.

3. Nala wuhe, hasalah wowau mu topa te?

Mong tanitang faring haba, he wowau hadoa. (Keluaran 21:29, 30) Allah de amakang paneni, wal domaha ba amakang fing kalieta ba mong. De wotiyeng diymu nala? De amakang ahola Adam, wohokafang nala ba Surah Rieling homi mia e hapieti he, heimu ”hasalah” ya e mong. Hare dewal hasalah mi paneng na dewal mong na. (Kejadian 2:16, 17; 5:5) Surah Rieling de wofang, mong tanitang ba buku taha mia Adam he heiyeri. Hare hewil heratawala wei bay hasalah mia, hei opimu mong. Hare, mong tanitang he  Adam dedopiiti haba, he wowau topa te.—Mihalal Roma 5:12; 6:23.

Mong tanitang ba pihadatareu mahe ko wowau? Pimong pi hasalah he piwowau. Amakang ba kulrofi mu walna hare, de ama he hasalah de wowau beka.—Mihalal Mazmur 49:7-9.

4. Nala wuhe, Yesus de mong?

Yesus wal amakang wuda na, haba dekul ama rofi. De wal hasalah paneni na hare, dewal mong na. Haba, afena he hasalah paneni hu demong. Allah homi pidatoka, de Yesus habot sai. Yesus homi pidatoka, de dema heluk de moni de pi hasalah wosiyer.—Mihalal Yohanes 3:16; Roma 5:18, 19.

5. Nala he, Yesus demi paneng?

Yesus de buku taha mia, de ama hafiy de hadokang, ama mona deng habirang diy, ama bekatafiela hadatareu, de homong. Hedi opi de wotiyeng diy, amakang ba heluk birang ariy falaka demi paneng mihadasama. (Matius 15:30, 31; Yohanes 5:28) Yesus de moni Allah demi habirang diy, yala de Simoi wuda ba tiyeng puna hehalal beka. (1 Petrus 3:18) Yala Yesus dong Lei, dema hatang kang harena mimiti. Dema harosa, hema parentah hatang mi iy donakala de Lei ba buku opi woparentah. (Ibrani 10:12, 13) Yala Yesus dong Lei hehui hefatil wei de maring kang wobesar ruli iyeri ruli awe.—Mihalal Daniel 7:13, 14; Matius 24:14.

Yesus dong Lei, de parentah hopuna bekatafiela ba pi hadatareu ya, ama ba bekatafiela mi paneng langkaber de hanau. Haba ama ba Yesus hei worumai ya, heluk birang mihalor ba, buku taha mia hana he firdaus de hiyeng.—Mihalal Mazmur 37:9-11.