Langhalou konten

Langhalou menu sekunder

Langhalou daftar isi

Saksi-Saksi Yehuwa

Alor Abui

Maring Kang ba Allah Hei!

 PELAJARAN 1

Nala Maring Kang?

Nala Maring Kang?

1. Maring kang ba Allah heimu, nala?

Allah he domaha, amakang hebirang rama amoni buku taha mia. Buku opi De paneni ya, dewai nal karikarnuku paneni. Homi amakang hedatoka. Wal lunga na, birang ariy falaka ba kang hamol De paneng ba, miy amakang faring her. Nala he paneng te, yala bekatafiela faring amakang de hadatareu Allah de hanau nahani.Mihalal Yeremia 29:11.

Parentah afena de tahupang kadiya, tarik tamor ya, mongtanitang de hanau beka. Haba, maring kang hadoa. Wai langkaber, Allah de amakang he parentah hanau. De parentah De nasiy, hehui hefatil wei birang rama amoni ya, kang hamol de hiyeng.Mihalal Yesaya 25:8; 33:24; Daniel 2:44.

2. Nala wuhe, maring kang mu kul kang?

Allah de tahupang kadiya ruli taha mia de hanau, tarik tafiy dewosik. (Zefanya 2:3) Yani te kodemidalek? Surah Rieling dewobileni ba, ruli yala hamo kulbeka. Amakang he birang delahabek. Hei opi mia dewofang, wala lunga nati Allah dong hamo hawai.Mihalal 2 Timotius 3:1-5.

3. Nala he, kopimipaneng te?

Allah hamau buka ba, Surah Rieling mia pi wosakolah te. Buku opi surah tuku nuku wuda, pima kang de pitaboti. Surah Rieling dewopokafang, lateiur tehu pi birang kang hamol ya, birang mihalor buku taha mia, pihiyeng kang. E Surah Rieling wosakolah mani ama e kilikil haba, leng opi birang kang hamol hei hare e hapieti he.Mihalal Amsal 29:25; Penyingkapan (Wahyu) 14:6, 7.