Langhalou konten

Langhalou menu sekunder

Langhalou daftar isi

Saksi-Saksi Yehuwa

Alor Abui

Maring Kang ba Allah Hei!

 PELAJARAN 7

Kerajaan Allah mu, Nala?

Kerajaan Allah mu, Nala?

1. Kerajaan Allah mu, nala?

Nala wuhe Yesus Lei ba hiyeng Rofi?—MARKUS 1:40-42.

Kerajaan Allah mu parentah nuku ba surga mia. Allah he Kerajaan, de amakang he parentah hanau. He domaha, demar surga mia parentah hopuna seiy buku opi taha. Hei opi maring kang nuku miy pidi ba, parentah hiyeng rofi amakang dohiyeng te. Wal lunga na, parentah ba Allah hei demi paneng. Kerajaan hedi de amakang toluol, de buku taha mi birang.Mihalal Daniel 2:44; Matius 6:9, 10; 24:14.

Kerajaan opi lei nuku dewo parentah. Yehuwa de Yesus hatang fahuni, de Lei ba Kerajaan Allah-Hei.Mihalal Penyingkapan (Wahyu) 11:15.

2. Nala wuhe, Yesus Lei ba hiyeng rofi?

Yesus homi kang nalhiyengrofi de hopuna ya dewofikang hare, Yesus Lei ba kul kang. (Yohanes 1:14) De surga mia parentah hopuna. Kuasa hopa hare, de amakang homong. Yesus mihabirang diy, yala mar surga mia Yehuwa hatang kang harena mimiti. (Ibrani 10:12, 13) Yehuwa de kuasa heri, yala de parentah hopuna.Mihalal Daniel 7:13, 14.

3. Mahe Yesus dokari Parentah hopuna?

Lumfa fal kiding ”ama rieling” Yesus dokaria surga mia parentah hopuna. (Daniel 7:27) La ahola, ama rieling mu Yesus de demurid ba hei haluol wei, demiahiy. Yala neng mol ba, hei worumai demiahiy ba ama rieling. Yesus wuda de mong nahani, de isi rohani hu puna mihabirang diy.Mihalal Yohanes 14:1-3; 1 Korintus 15:42-44.

 Ama ba Surga mia he faring yeng? Yesus de hana hadau ”lumfa fal kiding”. (Lukas 12:32) Hefaring 144.000. Yesus dokari buku opi woparentah.Mihalal Penyingkapan 14:1.

4. Yesus de Parentah hopuna, nala he demidalek?

Tung 1914 * Yesus dong parentah hopuna. La ahola Yesus de Setang ya, loki maheng haloi buku opi tau seiy diy. Setang de tukai kilikil hu, yala ruli opi bekatafiela hemi ler. (Penyingkapan 12:7-10, 12) Ya, bekatafiela he amakang de hadatareu. Yenang mabi, kilikil fiyal, tarik tamor, yokai hedi opi de ”wotiyeng diy” lang kaber, Kerajaan Allah desei buku opi taunatea.Mihalal Lukas 21:7, 10, 11, 31.

5. Nala he Kerajaan Allah demipaneng?

Maring kang ba Allah hei, puna amakang ya ruli iyeri ruli awe wohadabesar. Ya, parentah ba Allah hei, amakang ya tei-tei bay dehei toluol. Ama jutaan ba homi sadafalasing de Yesus hehui hefatil kang. Ruli opi Allah dehanau, hehui hefatil dedatang tauhapuna. Hare, Kerajaan Allah hekang pohiyeng temati, Yesus heluk te.Mihalal Penyingkapan 7:9, 14, 16, 17.

Tung 1.000 homi mia, Allah he tanut ahola mi amakang mihadasama Kerajaan demi paneng, ruli opi dolea dong firdaus. Wosiki hak ba Kerajaan hei, Yesus demiy dema Yehuwa hatang mi iy. (1 Korintus 15:24-26) Kerajaan Allah hei, mahe omaha wohadabesar?Mihalal Mazmur 37:10, 11, 29.

 

^ par. 6 Tung 1914 hei bay, Surah Rieling mibileni hekiding-kiding wei ohiyeng temati halaman 215-218 hehalal buku Apa yang Sebenarnya Alkitab Ajarkan?