Langhalou konten

Langhalou menu sekunder

Langhalou daftar isi

Saksi-Saksi Yehuwa

Alor Abui

Maring Kang ba Allah Hei!

 PELAJARAN 2

Allah mu, Ma?

Allah mu, Ma?

1. Nala wuhe, pi Allah holuk te?

Allah hiyeng rofi mu, nal karikarnuku de paneni. De heiyeri, heawe wal hadoa na. (Mazmur 90:2) Maring kang ba, Surah Rieling mia de heiyeri. (1 Timotius 1:11) Allah he birang piri hedonakala pi holuk.Mihalal Penyingkapan (Wahyu) 4:11.

2. Allah hamomu, lateiwuda?

Allah mu Simoi wuda tiyeng puna hehalal beka hare, dar ama wala diyeng puna hehalal na. Mbeimu Allah birang daliela, ama ba buku taha mia waldosama na. (Yohanes 1:18; 4:24) Haba, nal karikarnuku ba, Allah de paneni heimia pi hamo hiyeng kang. Hedosama, bata buka ya bata kiki faring heimia Allah hekang ya hetanut daliela pi hiyeng kang. Nal karikarnuku ba, mar adiy taha ya buku taha mia Allah he heiyeri.Mihalal Roma 1:20.

Surah Rieling mihalal, Allah hamo pihiyeng kang. Hedosama nala he domaha ya doaiy delateiur paneng mipidasama ya, bekatafiela ba pi hadatareu bay Surah Rieling dewotiyeng diy.Mihalal Mazmur 103:7-10.

3. Allah hana, ko hopa na?

Allah he gelar faring hadoa haba, hana hiyeng rofi De wopokafang ”Nana he Yehuwa”. (Yesaya 42:8) Loring tara-tara hare, ama wofang bay tara-tara. Womalasu hana he ”Yehuwa”. Wai afena dewofang ”Yahweh”.Mihalal Mazmur 83:18 (hediking 19, Terjemahan Baru).

Allah hana ama woluti, ama wai hemanawi hana he Tuhan ya Allah. Haba, ama wai Surah Rieling mibileni Allah hana hefaring 7.000. Yesus de Allah hana puna ama wohadasakolah.Mihalal Yohanes 17:26.

 4. Yehuwa demipiyena rena?

Allah pima kang wuda, de paneng pokang te

Bekatafiela pi hadatareu, hedi opi na Allah dewalmipiyena na? Mifaring ama wofang, bekatafiela ba pi hadatareu Allah he mipidasama haba, hei opi walrofi na.Mihalal Yakobus 1:13.

Allah mu demipiyena hare domaha hiring amoni pipongahiy kang. Haba opi piheluk rena? (Yosua 24:15) Mifaring beka he ama mipaneng mi afena mihadasama wuhe, bekatafiela faring Allah de hehalal homi harik.Mihalal Kejadian 6:5, 6.

Yehuwa demipiyena he domaha, birang mihalor pihiyeng. Wal lunga na, bekatafiela pi hadatareu weimu dehanau. Haba bekatafiela ba pihadatareu heleng denghalor, he falaka pelajaran 8 mihiyeng.Mihalal 2 Petrus 2:9; 3:7, 13.

5. Pilateiur Allah mihadap?

Allah de ama nunuku hiyenabei ya, pi waihadabesar nala he pi wofang dewomahia. Ama nunuku Allah de poreya. (Mazmur 65:2; 145:18) Hasala he pimipaneng bay, dewodafang. Pikang paneng Allah mihadasama, haba beka bay hadoa haba homi mikang. Piwala ama ba kulrofi na haba, pidi ya Yehuwa mihadap kang.Mihalal Mazmur 103:12-14; Yakobus 4:8.

Yehuwa debirang mi pidi. Kang pi paneng mi ama afena mihadasama haba, kang ba pi Allah her tukai daliela te. (Markus 12:30) Pi Allah hei wosakolah ya, nalahu dewofang pimipaneng heimu kang. Hekang mu, pidi ya Yehuwa mipidap.Mihalal 1 Timotius 2:4; 1 Yohanes 5:3.