Langhalou konten

Langhalou daftar isi

Saksi-Saksi Yehuwa

Select language Alor Abui

 PELAJARAN 13

Timotius Domaha Ama Afena Homong

Timotius Domaha Ama Afena Homong

Timotius mu abeti ba domaha ama afena homong. De afeng faring mi ya ba ama homong. Heiwuhe, Timotius hebirang mu kul mikang. He falaka omaha e hiyeng rena?

Yehuwa hei hu Timotius heya ya hekuta de mi wohadasakolah

Timotius de kota Listra he mia. De dara kiding, hekuta Lois ya, heya Eunike mu Yehuwa hei dong wohadasakolah diy. Heiwuhe, Timotius dekul domaha ama afena homong ba de Yehuwa hei wosakolah.

Timotius de dara abeti, Paulus de hatangar na omaha e kota afena mi ya ba maring kang wobesar. Timotius de wohawai, ’No maha!’ Rofi, Timotius domaha de ya ama afena homong.

 Timotius ya Paulus dilia kota nuku ba hana he Makedonia mi ya. Kota hei hana he Tesalonika. Hei mi ya, dilia detok puna buokal he lak, ya de kapal taha nahani. Kota hedimia dilia ama faring homong ba Yehuwa hei wosakolah. Haba, mani ama wai lahe kilikil ya beka mi mihadasama. Hare, Paulus ya Timotius homi doaiy dilia afeng afena mi ya ba maring kang wobesar.

Timotius hebirang kulkang hamol homi mia

Uwa wai kabei mitau, Paulus de Timotius habot wai dawai Tesalonika mi ya ba hemokeni wei hehalal.Tesalonika mia, ama ba dohoai mu dara hadoa. Haba, Timotius homi wosei hare dewai dawai demokeni wei hehalal. Hewohaluol, Timotius de demokeni wei he maring Paulus wohokafang. Hemokeni ba Tesalonika mia wei kang hamol homi mia nahani!

Timotius ya Paulus dilia tung-tung he awang. Paulus, de womahiaTimotius mu ama ba dilia dosama ba sidang-sidang jemaat homong. Nalawuhe? Timotius de Yehuwa ya demokeni wei mihiyena.

Ridi ri ama afena mihiyena ya romaha ba homong Yehuwa hei wohadasakolah rena?Ri heiur paneng ribirang Timotius wuda de rama amoni!

E SURAH RIELING MIHALAL

  • 2 Timotius 1:5; 3:15

  • Kisah 16:1-5; 17:1-10

  • 1 Tesalonika 3:2-7

  • Filipi 2:19-22