Langhalou konten

Langhalou menu sekunder

Langhalou daftar isi

Saksi-Saksi Yehuwa

Alor Abui

Riwil Wei Wohadasakolah

 PELAJARAN 12

Paulus Hewil Fala Mu Homi Matorang

Paulus Hewil Fala Mu Homi Matorang

Yala pi abeti nuku hei wosakolah de dema yeri homong ba dobirang. Hema yeri hana he Paulus. Abeti hedi hana pi wala hiyeng na. Haba kulrofi, dedi mu ama ba homi matorang. Nala he de mipaneng na o maha e hiyeng te?

Yerusalem mia, Paulus ama ba mihatani heimu Yesus he falaka de wobesar wuhe. Ama tahupang hadoa, de Paulus he kilikil. Hare, dewodobesar, ’Mie pi komandan wohokafang ba Paulus hadoa pengadilan ya. Piy wei pi tabung, Paulus pipiet mati, pi hei faheng!’

Paulus hewil fala de Paulus wohokafang ya ama he tanut beka hei bay de komandan wohokafang

Ama hetanut beka opi Paulus hewil fala de mahiy. Nala he de mipaneni? Paulus ba mia hare de ya wohokafang. Paulus de habot ama hetanut beka hedi de we komandan wohokafang. E wotanut, Paulus hewil fala de abeta mipaneng kang rena?Walna, komandan opimu ama ba hekuasa hopa. Haba, Paulus hewil fala homi matorang ba de komandan hadabesar.

Komandan hedi de abeta mipaneng. Prajurit ama 500 komandan de habot Paulus hofikang! Hei akuni mia bay ama hadoa Kaisarea ya. Paulus do birang rena?Rofi, ama tahupang wei de Paulus helela hayei beka! Nala he dewodobesar wala mihayei na.

Falaka opi pi lateiur wosakolah?Ridi bay romi de matorang diy kang ba Paulus hewil fala wuda. Yehuwa heimu pomi matorang ba pi wobesar te. Ri romaha ri wil ba matorang ya Yehuwa hei ri wobesar?Ri matorang, ri ama afena homong ba de birang kang.

E SURAH RIELING MIHALAL

  • Kisah 23:12-24

  • Matius 24:14; 28:18-20

  • 1 Timotius 4:16