Langhalou konten

Langhalou menu sekunder

Langhalou daftar isi

Saksi-Saksi Yehuwa

Alor Abui

Riwil Wei Wohadasakolah

 PELAJARAN 14

Buku Taha Dolea Kerajaan Dewoparentah

Buku Taha Dolea Kerajaan Dewoparentah

Yala pi Kerajaan nuku hei wosakolah. E hotau heiopi Kerajaan nala?Rofi, Kerajaan ba Allah hei. Kerajaan opi de buku opi hamohawai ba Firdaus. Omaha Kerajaan opi hefaring e wosakolah rena?

Kerajaan dokopang lei nuku de hekaiy. Amakang dotafuda ruli heimia dewoparentah. Ri hiyeng rena Kerajaan ba Allah hei, he Lei mu ma?Hedimu Yesus Kristus. Yesus de surga hemia. Wailangkaber, amakang faring ba buku taha mia de he Lei! E wotanut, Yesus dong Lei ruli dolea dewoparentah, pi birang de rama amoni rena?

Firdaus miya nala he ko e mipaneng?

Pi birang de rama amoni! Firdaus mia, ama wala dokawai ya yenang na. Amakang dotafuda lamidiyena nahani. Tarik tafiy ya mong tanitang bay walna. Ama hiyeng akuta dong halal kang ya ama ba hawei kuli dong mahiy kang. Ama ba lak beka bay dong lak kang, ya de dakur. Amakang wei dotafuda he siyeng dong hadoa ba tukai faring. Binatang karikarnuku dong la diyenghiyena. Dong wal beka mipidasama na. Ama mona wei dewai midabirang diy. Ama kabei ba pi hei wosakolah diy hedosama Ribka, Rahab, Daud, ya Elia. Dewai midabirang  nahani! E omaha hei wei e wai mihiyeng?

Yehuwa homi kul mi iyena. Domaha e rama amoni. Yehuwa hei e wosakolah iti ya e heluk, birang mihalor ba Firdaus masena mia e hiyeng kang! Omaha Firdaus mibirang?

E SURAH RIELING MIHALAL

  • Yesaya 2:4; 11:6-9; 25:8; 33:24; 35:5, 6

  • Yohanes 5:28, 29; 17:3