Langhalou konten

Langhalou menu sekunder

Langhalou daftar isi

Saksi-Saksi Yehuwa

Alor Abui

Abeti Mayak Hetatangar 10 Wohawai

 HETATANGAR 10

Surah Rieling Hekang Minadasama Mu Nala?

Surah Rieling Hekang Minadasama Mu Nala?

NALAWUHE HEIOPI PENTING

Surah Rieling dewofang ba ”Bileng Rieling dotafuda Allah he ahel”. (2 Timotius 3:16) Opi ko rofi, E birang homi mia nala he e wobutuh Surah Rieling de omong kang

NALA HE KO E MIPANENG?

Ai wotanut: David de oto bang mia, ya tempat ba dewal hiyeng na mi refi diy. Tanda ba lela mia ya tofa ba hedi mia wei dewal hiyeng na. David lela upi wonatea diy! Haba, ko de lela hasalah haluoli diy.

Ko e David, nala he e mipaneng?

AI WOTANUT!

E pilihan kabei hadoa:

  1. Ama hatangar.

  2. Peta hehalal namati GPS puna.

  3. La lak iti ba e worumai e lela rofi hiyeng.

Pilihan he sua mu kul pilihan ba beka.

Pilihan ayoki dar kang miy pilihan ahola mihapieti. Peta namati GPS pi lela haluol pi puna kang, de pomong lela rofi tahai.

Surah Rieling hedosama hei wuda!

Buku ba ama faring hiyeng opi

  • de omong masalah woheikang

  • de omong e isi hiyeng ya e ama ba kul kang diy

  • de woiyeng diy ba lateiur birang ba kang e hiyeng

 HETATANGAR PENTING BA BIRANG HEI WOHAWAI

Pong loring kang, mani pi mitatangar.

  • Nalawuhe adiy hamo bilongaiy?

  • Furi nala he puna paneni?

Pong lea, nala ba pimina mia he pi hetatangar.

Lateiur hewohawai mu ko Surah Rieling homi mia?

Ama faring dewofang Surah Rieling mu mitos ya dongeng he homi mia, asing hei ya wal tetanut misei na. Ama he tanut heimu na rofi? Re ama hedi wei falaka ba wal rofi na he de mahiy yoti?

Hedosama, ama faring dewotanut mu Surah Rieling hei haluol, Allah he ruli opi wokuasa. Haba, ko heiwuda? Ruli taha mia wal rama amoni na! Bekatafiela mu faring, tarik tamor ya mong tanitang, susah malohi ya bencana. Allah mu kang hamol haba bekatafiela na Allah he kul paneni?

Na hewohawai e hiyeng? Mahe ruli opi woaduwo Surah Rieling dewofang ko e mifarot!

E hehalal, wong ba majalah opi homi mia dotafuda Surah Rieling homi he mimiy. Saksi-Saksi Yehuwa deworumai ba Surah Rieling mu wong kang heiyeri. Heimu Surah Rieling ”hekang mu puna pidasakolah, pi wong wofang, ya nal-nal harof”. (2 Timotius 3:16, 17) Hekang miadasama temati, ai Surah Rieling wosakolah!