Langhalou konten

Langhalou menu sekunder

Langhalou daftar isi

Saksi-Saksi Yehuwa

Alor Abui

Abeti Mayak Hetatangar 10 Wohawai

 HETATANGAR 3

Lateiur Ne Fi Kang Wei Nukari La Numi Nuku?

Lateiur Ne Fi Kang Wei Nukari La Numi Nuku?

NALAWUHE HEIOPI PENTING

E fi kang wei rukari la rumi nuku, e miomahia e kang hamol homi mia.

NALA HE KO E MIPANENG?

Ai wotanut: Yal hari Rabu afeda. Jefri, 17, dong de tugas wei woawang wosiki. Hare de sante kang. De sofa tau miti ya de TV haber.

Langfarot, he ma de mie masuk. Hiyeng hapong la beka.

”Jefri! Nalawuhe e malas? Herofi mu e enaha homong ba he PR woawang. Ri wal ri fi kang heluk na!”

Jefri de ahau ya dewofang, ”Wai paneng.” Haba, hedi hema de mahiy.

Hema dewofang, ”Nala he eyal e wofang?”

Jefri de ahel de mifiliy, hiyeng hapong la beka tehu dewofang ”walna”.

Hema dong la kilikil. Tehu dewofang ”Kurang ajar paneng minadasama na he!”.

Ko e Jefri, lateiur pertengkaran opi e hiyeng takiy?

AI WOTANUT!

Fi kang hadabesar mu hedosama pi oto bang wuda. E ko hambatan hiyeng mati e lela afena tahai.

 HEDOSAMA:

”Ne minomahia ne Nema hadabesar beka,” mayak nuku hana he Lea de heiur wofang. Mani, ne besar, Nima dewofang, ’Nala? Nei he e nadabesar?’”

PILIHAN SUA HADOA BA LEA MIHADASAMA KANG.

  1. Dema hei kilikil.

    Lea de dema hohirai diy, ”Nima nei womahia te. Opi penting!”

  2. Doaiy besar na.

    Lea doaiy dema hadabesar na.

  3. Leng ba cocok te besar.

    Leng afena tehu Lea de besar, namati de la wobileng ba dema her.

E wotanut, nala he Lea de mipaneng te?

WOTANUT: Lea hema de nal afena wotanut. Hare dewal midomahia ba hewil de hadabesar. Hare, lea de pilihan A puna hema dei minunuk, nalawuhe Lea de hohirai diy. Ya, hema doaiy Lea hei womahia na. Nala he Lea de mipaneng bay dewal dema heluk na. (Efesus 6:2) Pilihan opi hekang wal miy Lea namati hema mihadasama na.

Lela mia hambatan hadoa, e ko lela afena tahai. Hare, he cara mu e tahai ba e fi kang hadabesar

Pilihan B mipaneng mu la eki, haba wal kang na. Masalah hedi woheikang temati Lea de dema hadabesar te. Ya, hema de mihomong temati masalah hedi mu hema de hiyeng te. Doaiy besar mu hekang walna.

Lea de Pilihan C miahiy, hambatan hadoa haba dewal menyerah na. Lea de mifik ba he leng cocok tehu de besar. Ya, Lea de miahiy ba nala he homi mia de surah mibileng, homi ko de abeta mikang mihamol.

Lea de surah puna ba nala he homi mia dotafuda de wobileng. Leng ba hema de mibaca, Lea homi de hiyeng kang ya masalah bay de hiyeng woheikang. Hare la wobesar re la wobileng Pilihan C he kang ba miy Lea ya hema mihadasama kang. Ya wong ba Surah Rieling homi mia dil dosama ”nal-nal ba rama amoni wotikeli he mipaneng”.Roma 14:19.

Nala he Lea dewai mipaneng kang?

Pilihan afena wai wotanut ba sei ira opi mibileng. Hedi mipaneng nala he ko de midalek hadou wotanut.

 DOMA PANENG BA FI KANG WEI HE TANUT AFENA HADOA

Woamunang nala e wofang, e fi kang hetanut ko wal heiwuda na.

HEDOSAMA:

E fi kang de miatangar nalawuhe iyeng apong la beka. E wohawai, ”Opi hei wobesar ne malas.”

Haba, e fi kang de hapung, ”Niya nima ne wal riy worumai na. Nomaha ne mokeni wei hei ne wohadabesar, wal ridi na.”

Wotanut e masalah hadoa ba e fi kang domaha omong. Haba e wofang, ”Nonakala bay kang.”

  • Nala he e fi kang de hapung?

  • Mikang ti nala he ko e wofang?