Langhalou konten

Langhalou menu sekunder

Langhalou daftar isi

Saksi-Saksi Yehuwa

Alor Abui

Abeti Mayak Hetatangar 10 Wohawai

 HETATANGAR 7

Lateiur Ama Niyenabei Ba Tafui Taka Mipaneng?

Lateiur Ama Niyenabei Ba Tafui Taka Mipaneng?

NALAWUHE HEIOPI PENTING

Woheinuk miy ba tafui taka mipaneng mu birang ariy falaka hei de hei pengaruh.

NALA HE KO E MIPANENG?

Ai wotanut: Yal te Helen ya Mike dilia uwa ayoki he dapating, haba de midomahia nahani mu nglunga wuda. De dei sms nahani, telepon wo jam-jam, ya mani, nala he dewofang nahani mu lasama. Haba, yala Mike domaha wala la besar mani na.

Uwa ayoki homi mia opi, Helen ya Mike dilia datang hopuna ya kabei damunang. Heiur hapiet mipaneng mu Helen doaiy. Haba doaiy wohasik na. Helen de midomahia mu Mike he bisa hei paneng ba de masena ya kul dei afena. Helen dewotanut, Mike nilia miniyena he . . . ’

Ong dewasa ba ong tapating kang ya nala he e hadatareu Helen hei wuda, nala he ko e mipaneng?

AI WOTANUT!

Neng mol dotade doiti heimu hadiah ba Allah he miy hedi nahani. Dar teimiy teypung na ba pong potade po iti heimu hadia hedi pong hasalah puna. Hedosama, e konda ba hebeli daliela beli haba e puna ba te yeng lang lut.

E hukum fisika hapiet, hedosama hukum gravitasi, e bata mia akur ya e mifik ba liy, e ko hayei. Hukum moral e hapiet he beka e hiyeng kang, hedosama hukum ba dewofang, ’Tafui taka pohebuokal’.1 Tesalonika 4:3.

Hukum hedi e hapiet he akibat nala? Surah Rieling dewofang, ”Ama ba tafui taka mipaneng mu de hasalah paneng miy de isi mihadasama.” (1 Korintus 6:18) He maksud mu nala?

 Penelitian wei dewotiyeng diy ba abeti mayak faring ba dar dei miy na de tafui taka mipaneng akibat opi wei de hadatareu.

  • MIDODING. Abeti mayak faring ba dar dei miy na de tafui taka mipaneng dewofang ba de midoding.

  • KECURIGAAN. Dong tafui taka mipaneng dilia de wotanut, ’Ma, ma he dokari ngtafui taka mipaneng?’

  • KEKECEWAAN. Herofi mu, abeti mayak faring domaha midapieta dofikang nahani, wal hei manfaatkan na. Ya, abeti faring mu mol ba abeta homi hol mu wal homi hafik na.

  • He inti: Dar teimiy teypung na ba pong tafui taka mipaneng, herofi mu pi isi hebeli walna wuda. Nal ba hebeli daliela he e wat wuda. (Roma 1:24) E isi hebeli kul daliela hare mi ama la her na!

Wohiyeng diy ba e pendirian rumai ba ”Tafui taka pohebuokal”. (1 Tesalonika 4:3) Ong eiy miy eiy pung wosiki tehu, nal hedi e mipaneng. Yal, e kul-kul mipaneng kang. Ong wal wokuatir na, wal menyesal na, ya e wal gelisah na, hedosama abeti mayak faring ba dar dei miy dei pung na dong do hasalah.Amsal 7:22, 23; 1 Korintus 7:3.

 E WOTANUT MU LATEIUDA?

  • Na ama ba de kul-kul mi iyena fisik ya emosi de adoa rugi?

  • Na ama ba kul-kul homi edatoka de paneng Allah hapomareng mia e hasalah mipaneng?Ibrani 13:4.