Pel aghị epẹ ogọ bọ raraạr phọ

Pel aghi epẹ edeọm mo etum bọ pạ

Pel aghị epẹ ogọ bọ raraạr phọ

Abugbaanaạn AJihova

Abua

Life and Ministry Meeting Workbook  |  October 2017

 ORỌL GHAN ADỌL ONYỌ AKRISTẸN

Sighẹ Ghuḍum Mọ Anạ Aaseenyom AJihova!

Sighẹ Ghuḍum Mọ Anạ Aaseenyom AJihova!

Aghuḍum aḍighi inmo dị emhạn maạr. Ipẹ yira osighẹ bọ ghuḍum mọ ayira roḍighinhom kụ keḍeenhaan mughumọ yira omaghamị ni maạr ghuḍum. Idiphọ aBugbaanaạn aJihova, yira rokparaghạ ghan ni osighẹ oomo inyaạm mọ ayira oghuenhiom aJihova, Ongoọm-Aghuḍum mọ. (Ps 36:9; Ogan 4:11) Ghalamọ r’iduophonị, bịn iiḅaghamị aḅirinhi phọ rewạ ghan ni oḍighi idị yira k’otoph siya phọ ayira r’aJihova. (Mạk 4:​18, 19) Ewạ ni mọ torobọ onyọ ayira apuruan loor odị mọ: ‘Mị akạr ri rangọ aJihova ipẹ ekạr bọ enhighẹ epelhom ḍughụm? (Ho 14:2) Oḍighi phọ amhị rungọ ghan ni imhị mem okumu aJihova ḍughụm? Ighẹn araraạr kụ edị mị raporogh oteẹny siẹn ookpomhoghan phọ? Mị kaḍighi ika kụ atue abughẹ rukumuan phọ amhị ilọ oghaạph iiḅi iinhaghạn phọ?’ Nạ amhiịn esi lọ nạ asughanham, pọ ḅeeḅereghị aJihova alhoghonaạn nyinạ ḍighaạgh. Dị iikia i/lo, iiseeny phọ yira rongọ ghan bọ aJihova ḍio etum ḍio, ringọ ghan iyira ghuḍum ogbaanyạn r’oḅaạl olhoghi!​—Ps 61:8.

Nạ asighẹ sighalhanyạ phọ anạ raḍighinhom ghan eeghe?

POGH VIDIO PHỌ: USE YOUR TALENT FOR JEHOVAH, KỤ APHANYANHAẠN SIPURU PHỌ EDAPHẠN BỌ SIẸN:

  • Eeghe kụ i/ḍighi bọ osụ-olhoghi, osighẹ asighalhanyạ phọ ayira okumuom ongọ aḅirinhi ph’aSetan? (1Jọn 2:17)

  • Eeghe aḍisẹph kirokirọ kụ edianaan buphẹ rongọ ghan bọ aJihova ipẹ enhighẹ bọ epelheghiom?

  • Ighẹn arukumuan siẹn ookpomhoghan phọ, kụ edi dị nạ katue asighẹ ḍighalanyạ phọ anạ aḍighinom?