Pel aghị epẹ ogọ bọ raraạr phọ

Pel aghị epẹ ogọ bọ raraạr phọ

Abugbaanaạn AJihova

Select language Abua

 ORỌL GHAN ADỌL ONYỌ AKRISTẸN

Orophomhi Aḍighalhanyạ Phọ Ayira Epẹ Erugh Phọ​—Otughemhị Abuphẹ Yira Rotughemhị Ghan Bọ Ilọ Ookolhobian Ghan

Orophomhi Aḍighalhanyạ Phọ Ayira Epẹ Erugh Phọ​—Otughemhị Abuphẹ Yira Rotughemhị Ghan Bọ Ilọ Ookolhobian Ghan

IYAẠR PHỌ EMHẠN BỌ NI MAẠR: Mem lọ bidị ookolhobian, kedugh dị bidị konaghanhạn, kụ k”onuụn ghan obulha. Bidị onhaghanhạn ghan kụ u/nuụn ubulha, bịn bidị mophoph agey siẹn igey phọ. Ghalamọ bidị moḍiiny ni muụm, bịn kewạ ni mọ abidị ookolhobian ghan kụ ogbi oghị ituughạ, r’epẹ erugh phọ, pidị bidị oomhanham “ogon ghan.” (Mat 25:13) Esi iduọn phọ, olhegheri eten otuughạ ghan, r’omhoọgh edeọm ituughạ, k’engọ bidị suọ oomo adọl aghuḍum m’abidị. Gim-kpụr phọ bịn, lọgh olhoghi opọ nạ ratughemhị bọ, eegharạ ookolhobian ghan kụ okoriom amem lọ nyinha ketuughạ.

IPẸ KOḌIGHI BỌ:

  • Ḍighi egey eḍeenhaan. (Rom 2:21) Seere nyodị olhoghi mem lọ nạ raakolhobian torobọ emhuoghaạph lọ nyinha keeḅeghiọn. (km 11/15 3) Odị aphogh ḍinyạ phọ anạ, amhiịn mọ nạ akonyị ni

  • Loghonhaạn nyodị ḍighaạgh ookolhobian ghan. Nạ rophighi ituughạ aBaibul phọ romheremhị, ḅenhị ni nyodị mọ iikolhobian eḍighi ni pakirị ituughạ aBaibul ph’odị, kụ aḅenhị suọ phọ. Maaghị aḍeenhaan nyodị reten dị odị katue ghan amiteom mem ookolhobian ghan. Abuniin awe rongọ ghan ḍinyạ ḍiẹn bidị m’oghonyị bọ opọ bidị rotughemhị bọ, obọ amhiịn suọ iikolhobiạn. Sẹph ghan ni mem lọ odị aakolhobian

  • Ḍeenhaan nyodị ilọ ookolhobian. Abuniin awe romiighom ghan esi oḍeenhaan opọ bidị rotughemhị bọ ilọ ookolhobian ghan, kụ egbi oteẹny amem lọ bidị kotuughạ.