Pel aghị epẹ ogọ bọ raraạr phọ

Pel aghị epẹ ogọ bọ raraạr phọ

Abugbaanaạn AJihova

Select language Abua

 ORỌL GHAN ADỌL ONYỌ AKRISTẸN

Ipẹ Nạ Kamoọgh Bọ​—Ephomhoghiạn Enaạn r’Onhọn Oye

Ipẹ Nạ Kamoọgh Bọ​—Ephomhoghiạn Enaạn r’Onhọn Oye

Ghalamọ r’iduọn aKristẹn roo/ko mun bọ Iilhogh phọ aMozis, iyạl phọ igbogh iilhogh phọ​—ophomhoghiạn Enaạn r’abunhọn​—ekaạph ni eekaragh ipẹ aJihova rawạ bọ ḍighaạgh ayira. (Mat 22:​37-39) Odọ ephomhoghiạn phọ ephẹn phọ ro/marạm ghan oye. Rozụph ghan ni. Ika? Eniin eten, pọ oginha oye aạl ghan Baibul phọ ḍio ḍio ḍio. Mem dị yira okiririom ophogh ibadị araagharạ phọ Enaạn oganhanhamhi bọ siphẹ aBaibul phọ, yira romiịn ghan ‘enhighenheẹn phọ aJihova.’ (Ps 27:4) Kụ ebughẹ ephomhoghiạn phọ ayira esi Enaạn, bịn eten iitughiạn ayira kemiigh ni oḅọph r’ipẹ odị. Iphẹn phọ kinyu ghan iyira ooko itọ phọ odị, eḅaramaạm bọ ni ophomhoghiạn abunhọn osiemhi esi dị yira kotue ni omughanhaan. (Jọn 13:​34, 35; 1Jọn 5:3) Miịn iraạr areten dị omiteom olhoghonhaạn anạ ḍighaạgh oghelhọm ibạl aBaibul ph’anạ:

  • Gbiom olhoghi anạ, kụ alhoghoma ipẹ remite bọ. Gbiom olhoghi mọ nạ odi aani esi phọ. Nạ umhiịn eeghe, anhaghạn eeghe, aḅilhẹ anaghạn eeghe eḍu? Nạ ragbi mọ abuphẹ orọl bọ esi phọ ulhoghoma ika?

  • Moọgh ibadị areten osighẹ otuughaạm. Miịn iniin odọ areten: Bạl amiteom, obobọ daphạn aani siphẹ aBaibul ph’anạ mem lọ nạ rapegh ilọ oḅạ olhọgh esi. Saḅạr otuughạ ilọ oye siphẹ aBaibul phọ, obobọ selẹ emhuoghaạph kụ atuughạ, kparipẹ r’aạl emhiighom osi eekunha. Esi omaạm, sighẹ aḍighinhom Appendix A7 obobọ B12 edi bọ siphẹ aNew World Translation of the Holy Scriptures olhegheri ilọ aJizọs. Bạl oomo emhuoghaạph aBaibul phọ osighẹ bọ ibạl aḍio ḍio ḍio phọ. Obobọ daphạn mem mọ ogẹ bọ rinyạ aBaibul phọ kụ aạl.

  • Bạl onhaghanhạn. Aạl ghan eniin emhuoghaạph ḍio, kụ onhaghanhạn oḅilhẹ ogbirima, kụ inhighẹ epu aạl iboom arumhuoghaạph loor esi dị nạ rawạ aạl omadạn. Ḅeeḅeghiọn raraạr phọ eeghironhom bọ esi phọ. Aaḅeghiọn riphigh phọ. Sighẹ aḍighinhom simạp phọ ḅilhẹ r’ipherị phọ ariisi aBaibul phọ edi bọ siphẹ ogbo phọ. Wạ alhegheri ghalhamọ r’eniin iyaạr dị nạ u”kạr u/naghanhạn siphẹ ibạl ph’anạ. Edugh kẹn pọ, gbiighi mem mọ n’asighẹ bọ aalhọm, kụ atuụgh asighẹ agbirimaam.