Mem mọ aJizọs arọl bọ siẹn ade phọ, odị aghaạph ghan ni ibadị amem ilọ olhogh phọ ophọn phọ: “Odẹ r’onhiin lọgh eegu.” (Ex 20:12; Mat 15:4) AJizọs o/ghiilaan ghan oghaạph, idị eḍighi bọ odị “asooromi loor” angọ odẹ r’onhiin odị mem iḍoọgh phọ odị. (Luk 2:51) Mem dị odị m’amhanhạm, odị amhiịn ni mọ omaạr opogh onhiin phọ odị mem dị odị m’amhugh. ​—Jọn 19:​26, 27.

Rodon kẹn, iḍoọgh aKristẹn phọ abuphẹ ronaghanhạn bọ, koḅilhẹ osooromhi loor oḅaanhaạn odẹ r’onhiin roḍeenhaan ghan olhọgh eegu. Olhọgh phọ ophọn o/kpọ ukpe esi. Ghalamọ r’amem dị bidị mokpọ, oḍeenhaan ghan ni olhọgh eegu esi osighẹ ghan oromha abidị. (Pr 23:22) Enhọn eten oḍeenhaan olhọgh eegu p’omhaạr ghan ophogh abidị, r’ongọ ghan ikpoki mem lọ ewạ. (1Tim 5:8) Mughumọ nạ maḍighi okpokolho oki obobọ nạ ko/ḍighi, osooromhi ghan aloor oḅaanhaạn abidị, eḍighi ekpanhạ eten olhọgh eegu.

POGH IDORONHEẸN ASIKATUN PHỌ OGHOL BỌ MỌ HOW CAN I TALK TO MY PARENTS? KỤ APHANYANHAẠN SIPURU PHỌ EDAPHẠN BỌ SIẸN:

  • Uḍighi ika kụ eeni amem re/dugh ghan bọ oḅaanhaạn odẹ r’onhiin anạ?

  • Ika kụ edị nạ kaḍeenhaan olhọgh eegu odẹ r’onhiin anạ mem dị nạ raḅaanhaạn bidị?

  • Uḍighi ika kụ emhạn bọ ni maạr olhọgh iyaạm oḅaanhaạn odẹ r’onhiin anạ? (Pr 15:22)

    Nạ kamoọgh ni ekol dọl aghuḍum mọ anạ mem dị nạ aghaaphạn ghan odẹ r’onhiin anạ