Pel aghị epẹ ogọ bọ raraạr phọ

Pel aghị epẹ ogọ bọ raraạr phọ

Abugbaanaạn AJihova

Select language Abua

 ARUPHUA DỊ OSIGHẸ SIPHẸ EKPO-ONHỤ PHỌ ENAẠN | MATIU 14-15

Angọ Ibadị Eḍien Dị Eego Esi Iyạl Ikpo Arighaạgh

Angọ Ibadị Eḍien Dị Eego Esi Iyạl Ikpo Arighaạgh

Rekpụl bọ eyaạl ophẹl otenhe phọ, lhạ phọ 32 C.E., aJizọs aḍighi iiḍaạny dị aMatiu, Mạk, Luk r’aJọn ogẹ ni.

Esi iiḍaạny phọ iphẹn phọ, aJizọs m’amiteom eten dị odị radạph ghan kaḍio arodon.

14:​16-21

  • AJizọs aḅenhị bumatuạn phọ odị m’ongọ eḍien rugu awe phọ, ghalamọ r’iduọn abidị omhoọgh bọ oogh iiḅoghoḍi abrẹd r’iyạl ina bịn

  • AJizọs asighẹ iiḅoghoḍi abrẹd phọ r’ina phọ, kụ r’ooḅereghị, kụ asighẹ angọ bumatuạn phọ odị, kụ abumatuạn phọ osighẹ ongọ we phọ

  • Reten iiḍaạny, awe phọ ulhe kụ epherọgh. AJizọs angọ ibadị eḍien dị eego esi iyạl ikpo arighaạgh​—abumatuạn phọ odị

  • AJizọs aghaạph mọ mem eekunha phọ, m’onọ kamiteom ni okol ongoọm eḍien eten itughemhị, “mem lọ ekpẹ ongọ.”​—Mat 24:45

  • Ebạm egu abuphẹ osaḅạr bọ kụ egey “ebenẹ phọ opọ alegheri bọ maạr,” aJizọs amạ bọ lhạ phọ 1919, ongọ eḍien “buerị phọ arebenẹ phọ”

  • Esi osighẹ ebạm egu awe phọ abuẹn osaḅạr bọ oḍighinhom, aJizọs radạph okol phọ odị aphighi bọ oḅẹl okuron asiạ phọ

Ika kụ edị mị kaḍeenhaan mọ mị alọgh ni elhegh, aḅilhẹ ni ralọgh eegu okol phọ opọ aJizọs asighẹ pọ raḍighinhom?