Pel aghị epẹ ogọ bọ raraạr phọ

Pel aghị epẹ ogọ bọ raraạr phọ

Abugbaanaạn AJihova

Select language Abua

 ORỌL GHAN ADỌL ONYỌ AKRISTẸN

Nạ Kaakolhobian Ika Ilọ AMemorial Phọ?

Nạ Kaakolhobian Ika Ilọ AMemorial Phọ?

Emiigh rolool phọ, amem ookolhobian ilọ ootughianhạm aḍuugh phọ aZizọs k’ebụgh ni iboom. AMemorial phọ kụ aazuanhaan siḍio ituughạ ogboku awiki ph’ayira, pọ ituughạ phọ ke/tọl. Kụ eezuanhaan eekunha awiki pọ, oghaạph aBaibul esi ogbo r’ituughạ aWatchtower phọ ke/tọl. Nạ kamaạr ri aḍighinhom mem mọ amuẹn m’oḅarạm bọ siphẹ edeọm mọ anạ? Idiphọ erọl bọ siphẹ oḅẹl okuron asiạ phọ, umiteom ghan ni iikolhobian osighẹ oḍighinhom ilọ amem mọ amuẹn phọ egbatanhaạn bọ. (Luk 22:7-13; km 3/15 1) Kuolọ ewạ mọ oomo ph’ayira ookolhobian rokpom mọ ayira. Ika kụ idị yira koḍighi bọ iphẹn phọ?

  • Tuutughiạn suọ oghị aani phọ.—1Kọr 11:23-26

  • Ḅeeḅereghị kụ aḅilhẹ aatughiạn ilọ asiya phọ nạ r’aZihova.—1Kọr 11:27-29; 2Kọr 13:5

  • Bạl ghan aḅilhẹ agbiran ilọ araraạr dị regbạ riisi aBaibul dị eghaạph ilọ emhụ aMemorial phọ.—Jọn 3:16; 15:13

Abuniin abukaaphọm r’obạl ghan koḅilhẹ ogbiran riisi aBaibul aMemorial phọ edi bọ siphẹ Examining the Scriptures Daily. Abunhọn robạl ghan riisi aBaibul phọ edi bọ siẹn igbe phọ edaphạn bọ. Kuolọ abunhọn oḅilhẹ ghan rooḅula siikpịgh aWatchtower dị eghaạph ilọ aMemorial phọ, ḅilhẹ r’ephomhoghiạn phọ aZihova r’aZizọs muḍeenhaan bọ iyira. Etigheri torobọ edeọm mọ epẹ nạ asaḅạr bọ, eḍighi ni idị keḍur nyinhạ egbiemhị aZihova r’Oọny ph’odị.