Pel aghị epẹ ogọ bọ raraạr phọ

Pel aghị epẹ ogọ bọ raraạr phọ

Abugbaanaạn AJihova

Select language Abua

 ORỌL GHAN ADỌL ONYỌ AKRISTẸN

Ogbạ Ikpo-onhụ Phọ r’Itughemhị​​—Ikpanhạ Areten Oḍighi Awe Bumatuạn

Ogbạ Ikpo-onhụ Phọ r’Itughemhị​​—Ikpanhạ Areten Oḍighi Awe Bumatuạn

AJizọs atọ aḅenhị bumatuạn phọ odị mọ oghị oḍighi we bumatuạn odị. (Mat 28:19) Iphẹn phọ eḅaramaạm ogbạ ikpo-onhụ phọ r’otughemhị. Amem etum mem, yira opuruan ghan siloor mọ, ‘Ika kụ edị mị kanighemhị ikpanhạ areten oḍighi awe bumatuạn phọ?’

OGBẠ IKPO-ONHỤ PHỌ

Kparipẹ rokori dị awe kụ kotu uteẹny iyira, olhọgh ghụn inyaạm owạ abuphẹ “okpẹ” bọ. (Mat 10:11) Mem lọ yira odi epẹ erugh phọ, yira osighẹ ghan ni roḍighinhom roopoogh lọ yira omhoọgh oghaaphạn awe lọ yira ‘oozuanaan’ epẹ erugh phọ? (Iiḍ 17:17) APọl asighẹ ghan ni roopoogh lọ odị amhoọgh agbaạm ikpo-onhụ phọ, kụ iigo esi iduọn phọ kụ aLidia aḍighi bọ onyọ amatuạn phọ.​—Iiḍ 16:​13-15.

“Zụph iizuphạ phọ anạ ḍiroọr kụ ka/meera aḍighaạgh anạ ephooghian tutụ k’adulhe” (Ec 11:6)

POGH VIDIO PHỌ “U/SOPH GHAN ḌIO” OGHAẠPH GHAN​—MEM DỊ U/GU R’OḌUẠ OTU OGBẠ OTU, KỤ APHANYANHAẠN SIPURU PHỌ EDAPHẠN BỌ SIẸN:

  • Siphẹ adọl aghuḍum mọ odị, ika kụ edị aSamuel aḍeenhaan mọ onọ alọgh ni inyaạm ozụph igey phọ rokpom awe?

  • Eeghe kụ iḍighi kụ rewạ bọ mọ yira olhọgh inyaạm oghaạph iiḅi iinhaghạn phọ reten kirokirọ?

  • Mem lọ nạ amite olhoghi otu anạ, anhiạn kụ edị nạ kakaạph iiḅi iinhaghạn phọ aḅenhị?

ETUGHEMHỊ

Orue oteẹny arokpom awe phọ, emoghi oḍighi idị epelhom ongọ awe ḍinyạ bịn. Olhoghonhaạn abidị ḍighaạgh ophoph, yira koḅilhẹ ghan oḅula, kụ oḅilhẹ otughemhị bidị Baibul phọ. (1Kọr 3:​6-9) Kuolọ, yira koḍighi ika mem dị inyaạm mọ ayira ozụph igey phọ kụ i/muum igey iimhumha? (Mat 13:​19-22) Yira kokiọm ni ghisigh owạ ghan buphẹ arokpom mọ eghịgh bọ “ḍiiḅi ade phọ.”​—Mat 13:23; Iiḍ 13:48.

“Mị kụ uzụph bọ iizuphạ phọ, Apolọs aaduom muụm, kụ Enaạn kụ iphophe bọ” (1Kọr 3:6)

POGH VIDIO PHỌ U/SOPH GHAN ḌIO” OGHAẠPH GHAN​—ESI OGBO, ḄILHẸ ḌIGHI WE BUMATUẠN, KỤ APHANYANHAẠN SIPURU PHỌ EDAPHẠN BỌ SIẸN:

  • Ika kụ edị olom r’anhịr phọ ooduom muụm igey phọ ekpom Ezekiel r’Abigail?

  • Mem lọ yira osighẹ reten kirokirọ kụ rokaaphọm iiḅi iinhaghạn phọ, eeghe kụ edị yira kogbon ghan oteẹny?

  • Ika kụ idị yira kolọgh iboom inyaạm otughemhị awe igey phọ?