Pel aghị epẹ ogọ bọ raraạr phọ

Pel aghị epẹ ogọ bọ raraạr phọ

Abugbaanaạn AJihova

Select language Abua

 ORỌL GHAN ADỌL ONYỌ AKRISTẸN

Nạ Amiịn Ni Roozọ Phọ Enaạn Ro/miịn Ghan Bọ Ekpeḍien?

Nạ Amiịn Ni Roozọ Phọ Enaạn Ro/miịn Ghan Bọ Ekpeḍien?

Mem dị nạ aphogh falawạy dị amoọgh agbạ kirokirọ, okuaḍio araanaạn phọ, obobọ esi dị ekpo amuụm ekil remeleghu, nạ amiịn ni oḍighi aḍighaạgh Olemiạ phọ? Olhẹm mọ ukitonom bọ iyira agananami ni roozọ phọ aJihova ro/miịn ghan bọ ekpeḍien phọ. (Rom 1:20) Mem lọ yira oḅoorian kụ ootughiạn ilọ araraạr phọ ipẹ yira romiịn bọ, yira kotue ni omiịn iikpọ phọ, ephomoghiạn phọ, osụ ologhi, elhiom ooruẹn, ḅilhẹ r’eegharạ inmo phọ Enaạn.—Ps 104:24.

Ighẹn odọ iniin iiḍighi olhẹm aJihova kụ edị nạ ramiịn ghan ḍio etum ḍio? Ghalamọ nạ atugh epẹ igbogh aramạ phọ, nạ ramiịn ghan ni inụn r’ireeny. Ophogh ghan okiririom olhẹm mọ aJihova kiloghonaạn iyira ḍighaạgh dị yira k/ooḅaghamiạn ghan loor iboom, ogbon raraạr phọ ipẹ emạn bọ maạr iboom, oḅilhẹ obughẹ omeeraam mọ ayira esi ipẹ aJihova katue bọ uphogh iyira k’agee-pọ. (Mat 6:25-32) Eḍighi maạr lọ nạ amoọgh ibạm anmụny, loghonaạn bidị ḍighaạgh omiịn aani iikiạ araagharạ phọ aJihova. Iduọn aḍiḅeraạn phọ ayira rebụgh bọ ilọ olhẹm mọ yira romiịn ghan bọ, bịn yira koḍuraan ogbị Olemiạ phọ ayira.—Ps 8:3, 4.

IPOGH VIDIO PHỌ OOKIẠ OLHẸM MỌ RAGANANAMHI GHAN RUGHUENIAN PHỌ ENAẠN—AḌIḄAẠL ḄILHẸ R’AGBẠ, KỤ EPHANYANAẠN SIPURU PHỌ EDAPHẠN BỌ SIẸN:

  • Eeghe kụ iḍighi kụ yira romiịn ghan bọ odokirokirọ agbạ loor araraạr?

  • Eeghe kụ iḍighi kụ agbạ iniin araraạr renmeeghian ghan bọ odaphạn esi phọ nạ ameerạ bọ rapogh?

  • Eeghe kụ iḍighi kụ yira romiịn ghan bọ agbạ kirokirọ epẹ okuaḍio phọ?

  • Epẹ olhoghi otu anạ, oghẹn odọ ookiạ agbạ kụ edị nạ amiịn loor olhẹm?

  • Eeghe kụ iḍighi kụ yira kolọgh bọ ni mem omaạr ophogh olhẹm mọ Enaạn?

Aḍiḅaạl r’agbạ kirokirọ egananamhi eeghe ilọ araagharạ phọ aJihova?