Pel aghị epẹ ogọ bọ raraạr phọ

Pel aghị epẹ ogọ bọ raraạr phọ

Abugbaanaạn AJihova

Select language Abua

 ORỌL GHAN ADỌL ONYỌ AKRISTẸN

Orophomhi Aḍighalhanyạ Phọ Ayira Epẹ Erugh Phọ​—Teẹny Torobọ Oye Siphẹ Ekool Phọ

Orophomhi Aḍighalhanyạ Phọ Ayira Epẹ Erugh Phọ​—Teẹny Torobọ Oye Siphẹ Ekool Phọ

IYAẠR PHỌ EMHẠN BỌ NI MAẠR: AZechariah amhiịn ni imiịn mọ awe onhụ aḍiaḅạ kirokirọ siẹn oomo aḅirinhi phọ komegheron ni emạ eten okị  esi iiḅi iinhaghạn phọ. (Zec 8:23) Kuolọ abuọ anhiạn kụ kotughemhị bọ bidị? (Rom 10:​13-15) Yira omoọgh eepoogh r’oḍighi oghaạph iiḅi iinhaghạn phọ oḅenhị oomo awe epẹ ekool phọ ayira.​—⁠od 84 ¶10-11.

IPẸ KOḌIGHI BỌ:

  • Kookolhobian ghan. Nạ razuan ghan ni we dị roḅạ ghan onhọn onhụ epẹ ekool ph’anyinha? Nạ katue ni asighẹ JW Language app phọ atuughaạm idị nạ katue amiighom oghaaphạn odị. Obobọ nạ katue ni asighẹ fon ph’anạ, atughemhiọm oye idị odị kamiịn raghaạph kirokirọ onhụ emhạ odị siphẹ jw.org

  • Seere olhoghi. Eḍighi maạr dị nạ odi oḍighi oḍuạ otu ogbạ otu, u”peghom ghan eepoogh lọ emite oghaạph oḅenhị awe lọ r’aạr nyinhạ eten obobọ dị omheerạ rokori ghan moto oḍigh. Eḍighi maạr lọ nạ aphinhom aani bin oghaạph esi ogbo, miịn ni mọ olhoghi anạ atọl li pạ

  • Nyinhạ ki/phẹr. Kparaghạ ghan ni oḅilhẹ oḅula ophogh abulọ u/tọl eḅẹl amem mọ nạ aghị bọ. Lọgh ghan ikuph omhiịn mọ nạ ateẹny ghan ni oye akaaphạn otu otu, eeni ḍio ḍio phọ obobọ enhọn aḍio siphẹ awiki phọ. Buniin awe k’ewạ ogẹ aḍinyạ kụ oghiọm, omhạgh afon, obobọ oḅaanhaạn epẹ eten phọ

  • Ka/bilhẹ oye phọ bịn. Nuụn ghan aḅula aphogh oye dị aḍeenhaan ḍiḅeeraạn. Eḍighi maạr dị oye phọ raḅạ ghan onhọn onhụ, pọ wạ onyọ umor dị anhaghạn onhụ phọ odị. Kụ aghị ghan aphogh oye phọ tutụ opọ anhaghạn bọ onhụ phọ odị amhiigh oghị ghan otughemhị odị Baibul.​—od 94 ¶39-40

POGH VIDIO PHỌ: PREACHING IN “THE MOST DISTANT PART OF THE EARTH,” KỤ AAḄEGHIỌN SIPURU PHỌ EDAPHẠN BỌ SIẸN:

  • Abumor r’abumaranhi phọ uukolhobian ika orue oteẹny awe ekpisi dị ro/gbor ghan k’oghị? (1Kọr 9:​22, 23)

  • Ighẹn odọ ipaanhaạn kụ edị ewạ mọ bidị okpạr opu?

  • Eeghe aḍisẹph kirokirọ kụ edị abidị oghelhọm?

  • Ighẹn ikuph kụ edị nạ k’atue alọgh obọ nạ aghaạph ilọ iiḅi iinhaghạn phọ aḅenhị ibadị awe ekool ph’anyinha?