Pel aghị epẹ ogọ bọ raraạr phọ

Pel aghị epẹ ogọ bọ raraạr phọ

Abugbaanaạn AJihova

Select language Abua

 ESI ITUUGHẠ 4

Oghaạph Oghol Esi ABaibul

Oghaạph Oghol Esi ABaibul

Matiu 22:​41-45

OGHAẠPH OOKARAGH: Kookolhobian ghan ilhoghi abuphẹ nạ rakaaphạn bọ, kụ agbi aạl esi aBaibul.

IPẸ NẠ KAḌIGHI BỌ:

  • Tuutughiạn iyaạr phọ eḍighi bọ kụ nạ rawạ bọ aạl esi phọ. Kaạph iyaạr dị keloghonhaạn ḍighaạgh buphẹ nạ rakaaphạn bọ olhegheri iyaạr phọ nạ atuạn bọ kụ r’abạl esi aBaibul phọ.

  • Emhunheen ghan siphẹ aBaibul phọ. Mem dị nạ rakaaphạn we dị omheeraam Enaạn, ḍighi ghan idị bidị kolegheri mọ aBaibul phọ Ekpo Onhụ Enaạn, obọ bidị olhegheri mọ ḍiphẹ bịn kụ aḍinyạ osụ olhoghi dị epelheghiom.

  • Ḍighi idị esi aBaibul phọ kesoghoḍị oye phọ. Puru ḍipuru dị esi aBaibul phọ kụ kepagharanhaạn, kaạph aghol iiḅaghamhị dị aBaibul phọ kụ katue aakonhom, obobọ kaạph akar ḍinhị olhogh dị esi aBaibul phọ keloghonhaạn bidị ḍighaạgh onhaghanhạn.