Pel aghị epẹ ogọ bọ raraạr phọ

Pel aghị epẹ ogọ bọ raraạr phọ

Abugbaanaạn AJihova

Select language Abua

 ESI ITUUGHẠ 19

Teẹny Ekpom Mọ

Teẹny Ekpom Mọ

Proverbs 3:1

OGHAẠPH OOKARAGH: Ḍighi idị abuphẹ nạ rakaaphạn bọ komiịn suọ iyaạr phọ nạ rakaạph bọ, kụ osighẹ oḍighinhom.

IPẸ NẠ KAḌIGHI BỌ:

  • Kaạph eten dị buphẹ ronaghạn bọ kooḅeghiọn loor opogh. Puru sipuru dị keloghonhaạn ḍighaạgh buphẹ ronaghạn bọ ooḅeghiọn ophogh ipẹ bidị olhoghoma bọ.

  • Ḍighi idị bidị komoọgh egey enyuom. Kpaariọm buphẹ ronaghạn bọ, ooḅeghiọn ophogh iyaạr phọ eḍighi bọ kụ bidị roḍighi ghan bọ igey iiḍighi. Ḍighi idị bidị komoọgh ikạr igey ariphigh otuạn​—ophomhoghiạn aJihova, bunhọn awe, r’ipẹ aBaibul phọ ratughemhị bọ. Eḍighi idị buphẹ ronaghạn bọ komiịn osụ-olhoghi esi ipẹ aBaibul phọ aghaạph bọ; u”ḍighi ghan mudị nạ kụ ratughemhị bidị. Kparipẹ roofolhomhi abidị, eekunha oghaạph ph’anạ engọ ghụn okparamhị, r’ibuọm oḍighi ipẹ bidị kotue bọ.

  • Mạ ghan aJihova. Ḍeenhaan ipẹ itughemhị phọ, asinị-iilhogh phọ, r’itọ aBaibul phọ eeghironhaan bọ raagharạ phọ Enaạn r’ephomhoghiạn ph’odị esi ayira. Zụph rokpom abuphẹ ronaghạn bọ, ootughiạn ghan ipẹ iyaạr retir ghan bọ aJihova, kụ oḍighi ghan idị eḅeraạn nyodị.