Ихадоу аматериалқәа рахь аиасра

Иацу амениу ахь аиасра

Иегова Ишаҳаҭцәа

аԥсуа

Иазҭода афинанстә цхыраара Иегова ишаҳаҭцәа инарыгӡо аус?

Иазҭода афинанстә цхыраара Иегова ишаҳаҭцәа инарыгӡо аус?

Ҳара инаҳагӡо ажәабжьҳәаратә ус еиҳараӡак Иегова ишаҳаҭцәа хатәгәаԥхарала иаларҵо аԥара абзоурала имҩаԥысуеит. Ҳаизарақәа рҿы аԥара еизыргаӡом, насгьы аизара иаҵанакуа алагалақәа ршәара уалны ирыдӡам (Матфеи 10:7, 8). Ҳаизарақәа ахьымҩаԥысуа аҭыԥқәа рҿы хатәгәаԥхарала аҭара ҟазҵар зҭаху рзы аиашьыкьқәа ыҟоуп. Аҭара ҟазҵо ауаҩы ихы ӡыригаӡом.

Ҳара иҟаҳҵо ахарџь маҷуп. Уи амзызқәа ируаку — аԥара ззаҳшәо адиннапхгаҩцәа ахьҳамам ауп. Уи адагьы, Иегова ишаҳаҭцәа ҩнаҭацыԥхьаӡа ажәабжь ахьырҳәо азы аԥара рзыршәаӡом, насгьы Анцәа ҳахьимҵахырхәо аҭыԥқәа ӡыргацәам.

Иегова ишаҳаҭцәа рфилиалқәа рахь ирышьҭуа хатәгәаԥхарала иалаҵоу аԥарақәа рхы иадырхәоит аԥсабаратә рыцҳарақәа ирықәшәаз рыцхырааразы, амиссионерцәеи аизарақәа ирҭаауа ахылаԥшыҩцәеи реиҷаҳаразы, еизҳазыӷьо атәылақәа рҿы Анцәа имҵахырхәаразы ахыбрақәа рыргыларазы, иара убас Абиблиақәа, насгьы ақьырсиантә публикациақәа рҭыжьреи егьырҭ атәылақәа рахь рышьҭреи рзы.

Дасу ихала иӡбоит хатәгәаԥхарала аҭара аҭыԥантәи аизара аҭахрақәа рзы иҟаиҵару, адунеизегьтәи аус азы иҟаиҵару, мамзаргьы уахьгьы уахьгьы иалеиҵару. Аизарақәа зегьы иааиԥмырҟьаӡакәа рфинанстә ҭагылазаашьа аизара иаҵанакуа ирыларҳәоит.