Ихадоу аматериалқәа рахь аиасра

Иацу амениу ахь аиасра

Аҵакахьы аиасра

Иегова Ишаҳаҭцәа

аԥсуа

Шәхәыҷқәа Абиблиа иану дшәырҵала

 АУРОК 8

Иосиа аҩызцәа бзиақәа иман

Иосиа аҩызцәа бзиақәа иман

Угәы ишԥаанаго, имариоума еснагь ииашоу аҟаҵара?~ Реиҳараҩык уи рзымариам. Абиблиа иаҳәоит Иосиа захьӡыз аҷкәын изы уи еиҳараӡак ишымариамыз. Аха иара ицхраауаз аҩызцәа бзиақәа иман. Уааи Иосиа иҩызцәеи иареи ибзианы ҳрабадырып.

Иосиа иаб Амо́н, иудеиатәи аҳ, даара дуаҩы бааԥсын, насгьы аныхақәа дрымҵахырхәон. Амон даныԥсы ашьҭахь, Иосиа уи иҭыԥан аҳас дҟалеит. Усҟан иара аа-шықәса ракәын ихыҵуаз. Угәы ишԥаанаго, Иосиагьы иаб еиԥш дуаҩы бааԥсны дҟалама?~ Мап!

Софониа ауаа ргәырҽаниҵон аныхақәа ирымҵамхырхәаларц

Иосиа зынӡа даныхәыҷӡазгьы еснагь иҭахын Иегова иҳәатәы хаиҵаларц. Убри аҟынтә иара Иегова бзиа иибоз ракәын ҩызцәас иалихуаз. Урҭ ицхраауан ииашаны ихы мҩаԥигаларц. Изусҭцәадаз уи иҩызцәа?

Иҩызцәа руаӡәк ихьӡын Софо́ниа. Уи дԥааимбарын. Иара Иуда инхоз ауаа ргәырҽаниҵон аныхақәа ирымҵахырхәалар  арыцҳара ишақәшәо. Иосиа Софониа дизыӡырҩуан, насгьы аныхақәа ракәымкәа Иегова иакәын дзымҵахырхәоз.

Иосиа иҵегь Иереми́а захьӡыз аҩыза диман. Урҭ қәрала еиҩыргоз ҳәа акгьы ыҟаӡамызт, насгьы ианыхәыҷқәаз еизааигәаны инхон. Урҭ убриаҟара еиҩызцәа бзиақәан, Иосиа даныԥсы, Иеремиа ашәа иҩит. Уа иаҳәон шаҟа дыгәхьааигоз. Иеремиеи Иосиеи еицхыраауан ииашоу аҟаҵара, насгьы Иегова иҳәатәы ахаҵара.

Иеремиеи Иосиеи ииашоу аҟаҵара еицхыраауан

Иаҳнарҵар алшозеи ҳара аҳ Иосиа иҿырԥшы?~ Иосиа даныхәыҷыз инаркны иҭахын ииашаны ахымҩаԥгара. Иара идыруан Иегова бзиа дызбо шракәу ҩызцәас имазар ихәҭоу. Уаргьы Иегова бзиа иибо аҩызцәа алхла. Урҭ уара еснагь ииашоу аҟаҵара иуцхраауеит!

ШӘАԤХЬА ШӘБИБЛИАҾЫ

  • 2 Ашықәсынҵа 33:21—25; 34:1, 2; 35:25