Ихадоу аматериалқәа рахь аиасра

Иацу амениу ахь аиасра

Аҵакахьы аиасра

Иегова Ишаҳаҭцәа

аԥсуа

Шәхәыҷқәа Абиблиа иану дшәырҵала

 АУРОК 1

Еилаҳкаарц иаҳҭаху амаӡа

Еилаҳкаарц иаҳҭаху амаӡа

Иуаиҳәахьоума уара аӡәыр амаӡа?~ * Абиблиаҿы акрызҵазкуа маӡак ануп, уи «иԥшьоу амаӡа» ҳәа иашьҭоуп. Уи ԥшьоуп избанзар Анцәа иҟынтәи ауп ишаауа. Ари амаӡа ауаа ирыздыруамызт, амаалықьцәаҵәҟьагьы ирҭахын уи атәы еиҳаны еилыркаарц. Иуҭахума уара еилукаарц иарбан маӡоу зыӡбахә ҳәоу?~

Угәы ишԥаанаго, иарбану амаалықьцәа еилыркаарц ирҭахыз?

Ҽнак зны Анцәа даалаган, раԥхьатәи ахаҵеи аԥҳәыси ишеит. Урҭ ирыхьӡын Адами Евеи. Анцәа урҭ ҳамҭас ириҭеит Едемтәи абаҳча захьӡыз аҭыԥ ԥшӡа. Адами Евеи Анцәа изыӡырҩуазҭгьы, рхәыҷқәеи дареи ҳадгьыл зегьы убри абаҳча еиԥш идырԥшӡон. Усҟан дара наӡаӡа Џьанаҭ инхалар рылшон. Иугәалашәома Адами Евеи иҟарҵаз?~

Дара Анцәа иҳәатәы харымҵаӡеит. Убри азоуп ҳара иахьа џьанаҭ дгьыл аҿы ҳазнымхо. Аха Анцәа иҳәеит адгьыл зегьы иссиру баҳчаны ишыҟаиҵо, ауаа зегьы насыԥ шроуа, насгьы наӡаӡа ишынхало. Аха ишԥаҟаиҵо уи Анцәа? Акыраамҭа ари ауаа ирыздыруамызт. Уи маӡан.

Иисус Христос адгьыл ахь данаа, уи ауаа ирзеиҭеиҳәо далагеит иԥшьоу амаӡа атәы. Ари амаӡа Анцәа Иаҳра ишазкыз реиҳәеит. (14-тәи аурок аҿы ҳара еилаҳкаауеит Анцәа Иаҳра закәу.) Иисус ари Аҳра ааирц анцәаиҳәашьа дирҵон. Убри ауп адгьыл џьанаҭ ссирны аҟаҵара алзыршо.

Уеигәырӷьома уара шьҭа ари амаӡа ахьеилукааз?~Иухоумыршҭын, Иегова изыӡырҩуа мацара роуп Џьанаҭ дгьыл аҿы инхало. Абиблиа иануп Иегова изыӡырҩуаз ауаа ирызкны ахҭысқәа рацәаны. Иуҭахума уара урҭ зусҭцәоу удырырц?~ Уааи ҳахәаԥшып урҭ зусҭцәаз, насгьы ҳазхәыцып ҳарҿыԥшлар шҳалшо.

ШӘАԤХЬА ШӘБИБЛИАҾЫ

  • Марк 4:11

  • 1 Пиотр 1:12

  • Аҟазаара 1:26—28; 2:8, 9; 3:6, 23

  • Матфеи 6:9, 10

  • Ԥсалом 37:11, 29

^ 3 абз. Адырга тильда (~) ари аброшиураҿы зҵаарақәак рышьҭахь игылоуп. Уи иаанагоит ааҭгылара шыҟаҵатәу, нас ахәыҷы иҭак ишазыӡырҩтәу.