Nwane Mɔ A Le Gyihova Alasevolɛ?

Yɛvi aneɛ nee mbusua ngakyile dɔɔnwo anu, noko kɛmɔ yɛlɛ bodane ko la ati yɛha yɛbɔ nu. Mɔɔ hyia kpalɛ la, yɛkulo kɛ yɛdi Gyihova, Nyamenle ne mɔɔ manle bɛhɛlɛle Baebolo ne la nee ninyɛne kɔsɔɔti Bɔvolɛ ne eni. Yɛbɔ mɔdenle kɛ yɛbazukoa Gyisɛse Kelaese na ɔyɛ yɛ fɛ kɛ yɛle Keleseɛnema. Yɛ nuhua ko biala fa mekɛ boa awie mɔ maa bɛsukoa Baebolo ne nee Nyamenle Belemgbunlililɛ ne anwo edwɛkɛ. Ɔluakɛ yɛka anzɛɛ yɛdi Gyihova Nyamenle nee ye Belemgbunlililɛ ne anwo daselɛ la ati, bɛfɛlɛ yɛ Gyihova Alasevolɛ.

Nea yɛ Intanɛte zo ɛleka ne. Kenga Baebolo ne wɔ ɛkɛ. Sukoa yɛ diedi nee yɛ nwo edwɛkɛ dɔɔnwo.