Abajurizi ba Yehova—Turi Baahi?

Ekibiina kyaitu kirimu abantu b’enganda nyingi n’endimi nyingi kwonka twena twine ekigyendererwa kimwe. Ekigyendererwa kyaitu ekikuru n’okuhimbisa Yehova, Ruhanga owaatuhaire Baibuli kandi omuhangi w’ebintu byona. Nituteeraho kutooreza Yesu Kristo kandi nikitwesiimisa kwetwa Abakristaayo. Butoosha buri omwe ahariitwe naakoresa obwire bwe kuhwera abantu kwega ebirikukwata aha Baibuli n’Obukama bwa Ruhanga. Ahabw’okugira ngu nitubuurira ahari Yehova Ruhanga hamwe n’Obukama bwe, nitwetwa Abajurizi ba Yehova.

Shwijuma ebiri aha mukura gwaitu. Manya ebindi ebirikutukwataho n’ebi turikwikiriza.