Accessibility setting

Skip to main menu

Skip to secondary menu

Skip to table of contents

Skip to content

Temwen Zeova

Ki Labib i vreman dir?

DAN

LEZOT LENFORMASYON

Eski Zezi ti ne an Desanm?

LABIB pa dir nou kan Zezi ti ne. Me i donn nou bann bon rezon pour krwar ki i pa ti ne an Desanm.

Annou vwar kondisyon letan, Betleenm kot Zezi ti ne, pandan sa peryod dan lannen. Mwan Kislev lo kalandriye Zwif (ki koresponn avek mwan Novanm/Desanm) ti en mwan lafreser ek lapli. Mwan ki ti swiv ti Tebet (Desanm/Zanvye). Pandan sa mwan, zot ti ganny tanperatir pli ba pandan lannen e parler zot ti ganny lanez dan bann rezyon montanny. Annou vwar ki Labib i dir nou lo klima sa rezyon.

Ezra, en ekriven Labib, i montre ki Kislev ti vreman en mwan ki ti fer fre e ti annan bokou lapli. Apre ki i ti mansyonnen ki en lafoul dimoun ti’n ralye Zerizalenm “ventyenm zour nevyenm mwan [savedir mwan Kislev],” Ezra ti raporte ki sa bann dimoun ti pe “tranble…akoz gro lapli ti pe tonbe.” Konsernan kondisyon letan pandan sa peryod dan lannen, sa bann dimoun menm ki ti’n rasanble ti dir: “Nou dan sezon gro lapli, i enposib pour reste deor.” (Ezra 10:9, 13; Zeremi 36:22) Se pour sa ki bann berze dan sa parti lemonn ti fer sir zot pa reste deor aswar avek zot troupo ler mwan Desanm ti vini!

Bann berze ek zot mouton

Ler Zezi ti ne, bann berze ek zot troupo ti deor pandan lannwit

Me Labib i dir ki bann berze ti deor pe okip zot troupo sa zour swar ki Zezi ti ne. Anfet, Lik ki ti osi ekrir Labib, i montre ki bann berze dan rezyon Betleenm ti “pas tou lannwit deor pour vey zot troupo mouton.” (Lik 2:8-12) Remarke ki bann berze ti pas tou lannwit deor, zot pa ti pe zis mars mars en pti kou deor pandan lazournen. Zot troupo ti deor pandan lannwit. Eski sa bann berze ti pou reste deor dan sa lapli ek lafreser pandan mwan Desanm? Non. Alor sa i montre ki Zezi pa ti ne mwan Desanm.*

Parol Bondye i dir nou egzakteman kan Zezi ti mor, me i pa donn gran detay pour endike kan i ti ne. Sa i fer nou mazin sa ki Lerwa Salomon ti dir: “Vomye en [bon] non ki en bon delwil, e vomye zour lanmor ki zour nesans.” (Eklezyast 7:1) Alor i pa sirprann nou ki Labib i fourni bokou detay konsernan minister Zezi ek son lanmor me i pa donn bokou detay lo son nesans.


*  Pour plis lenformasyon, vwar liv Comment raisonner à partir des Écritures, paz 161-5 (Franse) paz 176-9 (Angle) pibliye par Temwen Zeova.

← Vwar referans dan sapit